نۇرلان نىعماتۋلين: پارلامەنت پالاتالارىنىڭ بىرلەسكەن وتىرىسىندا دەپۋتاتتار ۇكىمەتتىڭ ەسەبىن قارايدى

نۇر-سۇلتان. قازاقپارات - بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن پالاتا بيۋروسى ءوتىپ، وندا الداعى جالپى وتىرىستىڭ كۇن ءتارتىبى ناقتىلاندى، دەپ حابارلايدى قازاقپارات.

بيۋرو وتىرىسىندا نۇرلان نىعماتۋلين الداعى ۋاقىتتا وتەتىن پارلامەنت پالاتالاردىڭ بىرلەسكەن وتىرىسىنا نازار اۋدارىپ، وندا ۇكىمەت پەن ەسەپ كوميتەتىنىڭ 2020 -جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرى تىڭدالاتىنىن اتاپ ءوتتى.

سونىمەن قاتار، وتىرىستا دەپۋتاتتار قاراۋىنا سوت- ساراپتاما قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن I وقىلىمدا قاراۋ ۇسىنىلدى. دەپۋتاتتار ازىرلەگەن زاڭ جوباسى كاسىبي كورسەتىلەتىن سوت- ساراپتامالىق قىزمەتتەردىڭ باسەكەلەس نارىعىن دامىتۋ ءۇشىن جاعداي جاساي جاساۋعا باعىتتالعان. سونداي-اق، دەپۋتتاتتارعا زياتكەرلىك مەنشىك سالاسىنداعى زاڭنامانى جەتىلدىرۋ ماسەلەلەرى بويىنشا زاڭ جوباسىن I وقىلىمدا قاراۋ ۇسىنىلدى.

اتالعان زاڭ جوباسى زياتكەرلىك مەنشىك قۇقىعىن قورعاۋدى كۇشەيتۋگە جانە زياتكەرلىك مەنشىك سالاسىنداعى داۋلاردى وبەكتيۆتى شەشۋ ءۇشىن جاعداي جاساۋدى كوزدەيدى.