+7 (701) 759 90 19
13 °С : نۇر-سۇلتان
21 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

داۋرەن ابايەۆ پرەزيدەنت تاپسىرماسىنان كەيىن قىزمەتىنەن الىنعان اكىمدەر تۋرالى ايتتى

18 ماۋسىم 12:27
:ءبولىسۋ
داۋرەن ابايەۆ پرەزيدەنت تاپسىرماسىنان كەيىن قىزمەتىنەن الىنعان اكىمدەر تۋرالى ايتتى

نۇر-سۇلتان. قازاقپارات – ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن ابايەۆ «اشىق ديالوگ» سۇحباتىنىڭ بۇل جولعى سانىندا سولتۇستىك قازاقستان وبلىسى ايىرتاۋ جانە ەسىل اۋداندارى اكىمدەرىنىڭ قىزمەتىنەن الىنۋىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

ەسكە سالساق، مەملەكەت باسشىسى قاسىم- جومارت توقايەۆ «كازاحستانسكايا پراۆدا» گازەتىندە جاريالانعان «زالوجنيكي راۆنودۋشيا» اتتى ماقالادا ايتىلعان ماسەلەگە نازار اۋدارىپ، تەكسەرۋ قورىتىندىسى بويىنشا وڭتۇستىك وڭىرلەردەن قونىس اۋدارعاندارعا دۇرىس جاعداي جاساماعان ەكى اۋداننىڭ اكىمى قىزمەتىنەن الىنعان بولاتىن.

داۋرەن ابايەۆ سۇحبات بارىسىندا بۇل شارا اتالمىش كەلەڭسىزدىككە قاتىستى پرەزيدەنت قابىلداعان شەشىمنىڭ ءبىر بولىگى عانا ەكەنىن اتادى.

«جالپى ءسىز ايتىپ وتىرعان مىسالدى «حالىق ۇنىنە قۇلاق اساتىن مەملەكەت» تۇجىرىمداماسىنىڭ ومىردە ىسكە اسۋى دەپ ايتۋعا بولادى. ءبىراق اكىمدەردى قىزمەتىنەن الۋ - مەملەكەت باسشىسىنىڭ بۇل كەلەڭسىزدىككە نازار اۋدارۋىنىڭ ءبىر بولىگى عانا. ارينە، شەنەۋنىكتەردى جازالاپ، جۇمىستان الۋ جۋرناليستەر ءۇشىن ءارقاشان تارتىمدى اقپاراتتىق سەبەپ ەكەنىن بىلەسىز. ءبىراق مۇنىڭ ارتىندا باسقا دا جۇمىستار جاتىر. پرەزيدەنت ەڭبەك تاپشىلىعى بار وڭىرلەردەن حالىقتى كوشىرۋ ءىسىنىڭ ساپالى اتقارىلۋىن تاپسىرعان بولاتىن»، - دەدى پرەزيدەنت اكىمشلىگى باسشىسىنىڭ ءبىرىنشى ورىنباسارى.

داۋرەن ابايەۆ بۇل باعدارلامانىڭ ماقساتى وڭتۇستىك پەن سولتۇستىك اراسىنداعى دەموگرافيالىق تەڭگەرىمسىزدىكتى جويۋ ەكەنىن ەسكە سالدى.

«بۇل جۇمىس جوسپارلى تۇردە، ناۋقانشىلدىققا سالىنباي، سان قۋالاپ كەتپەي ىسكە اسۋى كەرەك. قونىس اۋدارۋشىلارعا جاعداي جاساۋ قاجەت. بۇل - اكسيوما. ءبىراق قونىس اۋدارۋشىلار دا جاڭا ورتاعا بەيىمدەلىپ، ينتەگراتسياعا ءتۇسۋ كەرەكتىگىن تۇسىنگەنى ابزال. تەك اكىمدىككە شاعىمدانا بەرمەي، ءوز تاعدىرى ءۇشىن جاۋاپكەرشىلىكتى ءوز قولدارىنا الۋى كەرەك. كوبى سۇراپ جاتىر. اۋدان اكىمدەرىنە نەگە قاتاڭ جازا قولدانىلدى؟ ونى دا وڭاي تۇسىندىرۋگە بولادى. ويتكەنى بۇل باعدارلاما ادامداردىڭ تاعدىرىمەن بايلانىستى»، - دەدى ول.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات