داۋرەن ابايەۆ: مەملەكەتتىك باعدارلامالاردى باعالاۋدىڭ جاڭا ولشەمدەرى ەنگىزىلەدى

None
None
نۇر-سۇلتان. قازاقپارات - مەملەكەتتىك باعدارلامالاردىڭ ناتيجەسىن بولىنگەن قاراجاتتىڭ جۇمسالۋ دەڭگەيىمەن ولشەۋ بەلەڭ الىپ وتىر. پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن ابايەۆ «اشىق ديالوگ» سۇحباتىندا وسىنداي وي ايتتى، دەپ حابارلايدى قازاقپارات ءتىلشىسى.

«كەز كەلگەن PR- مامان سىزگە رەپۋتاتسيانى جاقسارتۋدىڭ ەڭ جەڭىل ءارى توتە جولى «جىلدام جەڭىستەرگە» باعدارلانۋ ەكەنىن راستاپ بەرەدى. بۇل - قىسقا مەرزىمگە ءتيىمدى، قوعام جاپپاي ماقۇلدايتىن شارالار. سوندىقتان، كوبىندە مەملەكەتتىك ورگانداردىڭ بۇقارالىق باستامالارى جىلدام جەڭىستەرگە باعىتتالادى. ال ۇزاق ۋاقىت بويى، مەيلىنشى ەلەۋسىز جۇرەتىن جۇيەلىك وزگەرىستىڭ ماڭىزى ودان الدەقايدا زور. ءبارى «ستراتەگيالىق جوسپارلاۋ جانە رەفورمالار جونىندەگى اگەنتتىك قايدا؟ « دەپ سۇراپ جاتادى. ءدال وسى ورگان قايىرىمى از ىسپەن اينالىسىپ جاتىر. ونداعى ماماندار مەملەكەتتىك رەفورمالاردىڭ ورىندالۋ ءتاسىلىن وزگەرتۋگە كىرىسىپ كەتكەن. مەملەكەتتىك باعدارلامالاردىڭ تيىمدىلىگى مەن ىسكە اسىرىلۋىن باعالاۋدىڭ جاڭا ولشەمدەرى ەنگىزىلۋدە»، - دەدى داۋرەن ابايەۆ.

ول، سونداي-اق، سوڭعى كەزدە تيىمدىلىكتىڭ باستى ولشەمى بيۋدجەتتى يگەرۋ بولىپ كەتكەنىن ەسكە الدى. «اقشا جۇمسالعان بولسا، قانداي دا ءبىر ناتيجە بەردى دەپ قابىلداۋ قالىپقا اينالعان. بۇلاي بولماۋى كەرەك. تاعى ءبىر مىسال رەتىندە جوسپارلاۋ ءىسىن الىپ قارايىق. ەسەپتەردەن ءجيى ەستيمىز. جوسپاردى 5 پايىزعا، كەيدە ءتىپتى 10 پايىزعا اسىرا ورىندادىق دەپ جاتادى.

ءبىراق بۇل مىندەتتى تۇردە جاقسى ىسكە اسىرىلدى دەگەن ءسوز ەمەس. كوبىنەسە ونىڭ باستى سەبەبى ناشار جوسپارلاۋدان تۋىنداپ جاتادى. ءتىپتى كەيدە ماقساتتىق كورسەتكىشتەردى ناتيجەگە يكەمدەپ جىبەرۋ جايتتارى كەزدەسەدى. سوندىقتان، قايتالاپ ايتامىن، وسىنداي قالتارىستاردىڭ بارىمەن اتالعان اگەنتتىك اينالىسىپ وتىر. وسى تۇرعىدان الساق، بۇل ارينە، قايىرىمسىز جۇمىس بولىپ كورىنەدى»، - دەدى پرەزيدەنت اكىمشىلىگى باسشىسىنىڭ ءبىرىنشى ورىنباسارى.

سوڭعى جاڭالىقتار