+7 (701) 759 90 19
21 °С : نۇر-سۇلتان
22 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

اقان ابدۋاليەۆ مادەنيەت كوميتەتىنىڭ ءتوراعاسى قىزمەتىنە تاعايىندالدى

18 ماۋسىم 11:02
:ءبولىسۋ
اقان ابدۋاليەۆ مادەنيەت كوميتەتىنىڭ ءتوراعاسى قىزمەتىنە تاعايىندالدى

نۇر- سۇلتان. قازاقپارات - بۇگىن قازاقستان رەسپۋبليكاسى مادەنيەت جانە سپورت ءمينيسترى اقتوتى رايىمقۇلوۆانىڭ بۇيرىعىمەن اقان ابدۋاليەۆ مادەنيەت جانە سپورت مينيسترلىگى مادەنيەت كوميتەتىنىڭ ءتوراعاسى قىزمەتىنە تاعايىندالدى، دەپ حابارلايدى قازاقپارات.

اقتوتى رايىمقۇلوۆا جاڭا كوميتەت باسشىسىن ۇجىمعا تانىستىرىپ، الداعى قىزمەتىنە ساتتىلىك تىلەدى. اقان جىلقىشىباي ۇلى 1975 -جىلى الماتى وبلىسى، جامبىل اۋدانى، شيەن اۋىلىندا دۇنيەگە كەلگەن.

2005 -جىلى قۇرمانعازى اتىنداعى قازاق ۇلتتىق كونسەرۆاتورياسىن حالىق ءانى ماماندىعى، 2012 -جىلى الماتى ەكونوميكا جانە ستاتيستيكا اكادەمياسىن ەكونوميست ماماندىعى بويىنشا تامامداعان. ەڭبەك جولىن تالدىقورعان قالاسىندا ءسۇيىنباي اتىنداعى الماتى وبلىسى فيلارمونياسىنىڭ جەكە ورىنداۋشىسى رەتىندە باستاعان.

2003-2004 -جىلدارى «قازاقكونتسەرت» مەملەكەتتىك كونتسەرت ۇيىمىندا ءانشى- اسپاپشى، 2005-2007 -جىلدارى ج. ەلەبەكوۆ اتىنداعى ەسترادا- سيرك كوللەدجىندە، 2007-2008 -جىلدارى قۇرمانعازى اتىنداعى قازاق ۇلتتىق كونسەرۆاتورياسىندا وقىتۋشى بولعان.


2008-2015 -جىلدار ارالىعىندا ا. جۇبانوۆ اتىنداعى دارىندى بالالارعا ارنالعان رقمممي ديرەكتورىنىڭ ورىنباسارى، ديرەكتورى؛ 2009-2015 -جىلدارى ت. جۇرگەنوۆ اتىنداعى ونەر اكادەمياسىندا «ءداستۇرلى ورىنداۋشىلىق ونەر» كافەدراسىنىڭ مەڭگەرۋشىسى؛

2015-2016 -جىلدارى جامبىل اتىنداعى قازاق مەملەكەتتىك فيلارمونياسىنىڭ ديرەكتورى؛ 2016-2018 -جىلدارى الماتى وبلىسى مادەنيەت، ارحيۆ جانە قۇجاتتاما باسقارماسى باسشىسى؛

2018-2019 -جىلدارى الماتى وبلىسى اكىمىنىڭ ورىنباسارى. 2019 -جىلدان وسى ۋاقىتقا دەيىن مادەنيەت جانە سپورت مينيسترلىگىنە قاراستى ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى بولدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات