شىعىس قازاقستاندا پوليسەيلەر جوعالعان ءبىر ءۇيىر جىلقىنى تاپتى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 16 -ماۋسىمدا بەسقاراعاي اۋداندىق پوليسيا بولىمىنە 59 جاستاعى ازامات جۇگىنگەن. ءوز سوزىندە ول 8-9 -ماۋسىم ارالىعىندا چەرەمۋشكي اۋىلىنىڭ ماڭىنداعى جايىلىمنان 39 -جىلقىسىنىڭ جوعالىپ كەتكەنىن جەتكىزدى. مال يەسىنە كەلگەن شىعىن كولەمى 23400000 تەڭگەنى قۇراعان.
«بەلگىلى بولعانداي، ەر ادام ءبىر اپتا بويى مالدى ءوز بەتىمەن ىزدەگەنىمەن ودان ەش ناتيجە شىقپاعان. پوليسيا قىزمەتكەرلەرى بىردەن جەدەل- ىزدەستىرۋ شارالارىنا كىرىستى. ءۇش ءموبيلدى توپ قۇرىلىپ، كورشىلەس پاۆلودار وبلىسىنا جول تارتقان. جاقىن ماڭداعى بارلىق شارۋا قوجالىقتارى تۇگەل تەكسەرىلدى. ىزدەستىرۋ جۇمىستارىنا جەرگىلىكتى تۇرعىندار مەن باسقا مالشىلار دا تارتىلعان»، - دەپ حابارلادى ۆەدومستۆو وكىلدەرى.
وسىنىڭ ناتيجەسىندە، ءبىر ءۇيىر جىلقى گراچي اۋىلىنىڭ ماڭىنان تابىلدى. مال يەسى ءوز كەزەگىندە ءتارتىپ ساقشىلارىنا العىسىن ءبىلدىرىپ، ريزاشىلىعىن جەتكىزدى.