07:47, 18 - ماۋسىم 2021 | GMT +6
د د ۇ ايەلدەردى الكوگولدەن باس تارتۋعا شاقىردى
نۇر- سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمى ۇرپاقتى بولۋ جاسىنداعى ايەلدەردى الكوگولدى ىشۋدەن باس تارتۋعا شاقىردى.
بۇل تۋرالى 2022-2030 -جىلدارعا ارنالعان الكوگولمەن كۇرەسۋدىڭ عالامدىق ءىس- قيمىل جوسپارى جوباسىندا ايتىلدى، دەپ حابارلايدى قازاقپارات.
قۇجاتقا سايكەس ەلدەر الكوگولدىك ىشىمدىكتەردىڭ زيانى تۋرالى قوعامنىڭ حاباردارلىعىن ارتتىرۋى كەرەك، ءبىراق بالالارعا، جۇكتى ايەلدەر مەن بالا كوتەرۋ جاسىنداعى ايەلدەرگە ەرەكشە نازار اۋدارۋ قاجەت. بۇل مالىمدەمە جەلى قولدانۋشىلارى اراسىندا سىنعا دا ۇشىراپ جاتىر.
«د د ۇ ۇرپاقتى بولۋ جاسىنداعى ايەلدەرگە ىشىمدىك ىشۋگە تىيىم سالۋدى ۇسىنادى. سوندا ءبىز ايەلدەردى تەك بالا كوتەرۋ قابىلەتىنە قاراي باعالايمىز با؟»، - دەپ جازدى Twitter قولدانۋشىلارىنىڭ ءبىرى.