20:14, 17 - ماۋسىم 2021 | GMT +6
نۇرسۇلتان نازاربايەۆ «استانا» حالىقارالىق قارجى ورتالىعىنا باردى
نۇر-سۇلتان. قازاقپارات - نۇرسۇلتان نازاربايەۆ «استانا» حالىقارالىق قارجى ورتالىعىنا باردى، دەپ حابارلايدى قازاقپارات ەلباسىنىڭ رەسمي سايتىنا سىلتەمە جاساپ.
ەلباسى «استانا» حالىقارالىق قارجى ورتالىعىنىڭ قىزمەتىمەن، سونىڭ ىشىندە ەلگە اۋقىمدى شەتەلدىك كاپيتال تارتۋ، ادامي الەۋەت پەن كرەاتيۆتى ەكونوميكانى دامىتۋ باعىتىنداعى جۇمىستارمەن تانىستى.
قارجى ورتالىعىنىڭ باسقارۋشىسى قايرات كەلىمبەتوۆ قازاقستاننىڭ تۇڭعىش پرەزيدەنتىنە «استانا» حالىقارالىق قارجى ورتالىعىنىڭ 2025-جىلعى دەيىنگى دامۋ ستراتەگياسىنىڭ ىسكە اسىرىلۋ ناتيجەلەرى، سونداي-اق الداعى ورىندالۋ جوسپارى تۋرالى باياندادى.
نۇرسۇلتان نازاربايەۆ «قازاقستان-2050» ستراتەگياسىن جۇزەگە اسىرۋداعى جانە ۇلتتىق ەكونوميكانى دامىتۋداعى «استانا» حالىقارالىق قارجى ورتالىعىنىڭ ماڭىزدى ءرولىن اتاپ ءوتتى.