اقتوتى رايىمقۇلوۆا مادەنيەت قىزمەتكەرلەرى باسپانامەن قالاي قامتىلاتىندىعىن ايتتى

None
None
نۇر- سۇلتان. قازاقپارات – ق ر مادەنيەت جانە سپورت ءمينيسترى اقتوتى رايىمقۇلوۆا مادەنيەت قىزمەتكەرلەرى باسپانامەن قالاي قامتىلاتىندىعىن ايتتى، دەپ حابارلايدى قازاقپارات ءتىلشىسى.

«قىزمەتكەرلەردىڭ تۇرعىن ءۇي جاعدايلارىن جاقسارتۋ ماقساتىندا 2020 -جىلعى 23 -قازاندا ق ر مادەنيەت جانە سپورت مينيسترلىگى مەن «قازاقستاندىق يپوتەكالىق كومپانياسى» يپوتەكالىق ۇيىمى» ا ق اراسىندا 2020-2025 -جىلدارعا ارنالعان «نۇرلى جەر» تۇرعىن ءۇي- كوممۋنالدىق دامىتۋ مەملەكەتتىك باعدارلاماسىنىڭ قاتىسۋشىلارى ءۇشىن ساتىپ الۋ قۇقىعىمەن جالعا بەرىلەتىن تۇرعىن ءۇي ساتىپ الۋ تۋرالى كەلىسىمگە قول قويىلدى. مەملەكەتتىك باعدارلاما اياسىندا مينيسترلىكتىڭ مەملەكەتتىك قىزمەتشىلەرىنە نۇر- سۇلتان قالاسىنان 20 پاتەر ءبولىندى»، - دەدى مينيستر ق ر پرەزيدەنتى جانىنداعى ادام قۇقىقتارى جونىندەگى كوميسسيانىڭ وتىرىسىندا.

ونىڭ دەرەگىنشە، الماتى قالاسىندا مادەنيەت جانە سپورت مينيسترلىگىنە ۆەدومستۆولىق باعىنىستى ۇيىمداردىڭ قىزمەتكەرلەرىنە 16 پاتەر جانە نۇر- سۇلتان قالاسىنا 47 پاتەر ءبولىندى. اقتوبە وبلىسىندا جاستار مەن مادەنيەت، ونەر، ارحيۆ مەكەمەلەرى قىزمەتكەرلەرىن الەۋمەتتىك قولداۋ ماقساتىندا 14 قىزمەتتىك جانە 25 جالعا بەرىلەتىن پاتەر بەرىلدى. ونىڭ ىشىندە تەاتر، كىتاپحانا، مۋزەي سالاسىنىڭ 13 جاس مامانى جالعا بەرىلەتىن پاتەرلەرمەن قامتاماسىز ەتىلدى.

«سونىمەن قاتار، مادەنيەت جانە سپورت مينيسترلىگىنىڭ قولداۋىمەن مادەنيەت، ارحيۆتەر جانە قۇجاتتاما باسقارماسىنىڭ 38 مامانىنىڭ ق ي ك باعدارلاماسى بويىنشا ساتىپ الۋ قۇقىعىمەن 1 بولمەلى جالعا بەرىلەتىن پاتەرلەرگە قول جەتكىزۋ ماسەلەسى قاراستىرىلۋدا»، - دەدى اقتوتى رايىمقۇلوۆا


سوڭعى جاڭالىقتار