جانداربەك بەكشين الماتىدا كارانتين شارالارى وزگەرەتىنىن ايتتى
قۇجاتقا سايكەس، بيزنەسكە ءبىرقاتار جەڭىلدىك بەرىلەدى، دەپ حابارلايدى قازاقپارات ءتىلشىسى.
جانداربەك بەكشينىڭ ايتۋىنشا، الماتىداعى ەپيدەميولوگيالىق جاعداي تۇراقتاندى.
«الماتى 12-ماۋسىمنان باستاپ «جاسىل» ايماقتا تۇر. ايدىڭ باسىنان بەرى كوروناۆيرۋستىڭ تارالۋى 2 ەسە ازايدى. سوڭعى تاۋلىكتە ك ۆ ي-دىڭ 112 جاعدايى تىركەلدى، ال تاۋلىكتىك ءوسىم 0,1 پايىزعا تومەندەدى. الماتى قالاسىندا ەپيدەميا باستالعالى كوروناۆيرۋستىڭ 71820 جاعدايى، ال وسى جىلدىڭ باسىندا 53 مىڭنان استام جاعداي تىركەلگەن. ال قازىر جاعداي وڭالعان، اۋرۋدىڭ تارالۋى ايتارلىقتاي باسەڭدەگەن. حالىقتىڭ 100 مىڭىنا شاققاندا اۋرۋ دەڭگەيىنىڭ تومەندەۋ ديناميكاسى تۇراقتى، سوڭعى 7 كۇندە 64,7-دەن 39,8-گە دەيىن ازايدى»، - دەدى ول.
سونىمەن قاتار، ول الماتى «جاسىل» ايماقتا جەتى كۇن تۇرسا، وندا كارانتين شارالارى جەڭىلدەتىلەتىنىن ءمالىم ەتتى.
«قازاقستان رەسپۋبليكاسىنىڭ باس مەملەكەتتىك سانيتارلىق دارىگەرىنىڭ 2021 -جىلعى 25 -ناۋرىزداعى №12-قاۋلىسىنا سايكەس الماتى قالاسىنىڭ باس مەملەكەتتىك سانيتارلىق دارىگەرىنىڭ الەۋمەتتىك- ەكونوميكالىق وبەكتىلەردىڭ قىزمەتىن جەڭىلدەتۋ ءتارتىبى تۋرالى قاۋلى دايىندالدى. ماتريتسانىڭ «جاسىل ايماققا» وتكەنەن كەيىن جەتى كۇن وتكەن سوڭ، ياعني 19-ماۋسىمنان باستاپ جەڭىلدەيدى»، - دەدى جانداربەك بەكشين.
ەسكە سالايىق، 12-ماۋسىمنان باستاپ الماتى «جاسىل» ايماقتا.
اۆتور: الما مۇقانوۆا