ۆاكسينا العاندارعا سىيلىق بەرىلەدى
وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنەن ءمالىم ەتكەندەي، ۆاكسينالاۋ بەكەتى «دينا» بازارىندا اشىلعان. كاسىپكەرلىك نىساندارىنىڭ اراسىنان بازار باسشىلىعى ۇجىمدىق يممۋنيتەتتى قالىپتاستىرۋ ءۇشىن ۆاكسينا العاندارعا سىيلىق بەرۋ باستاماسىن ۇسىنىپ وتىر.
«ءبىز بازاردىڭ ۆاكسينالاۋ بەكەتىندە ەكپە العان ءار ادامعا سىيلىق بەرۋدى ۇيعاردىق. ويتكەنى، پاندەميا ءالى اياقتالعان جوق. قاۋىپتى ۆيرۋس ءالى دە بار. تىرشىلىك قامىمەن جۇرگەن تۇرعىندار قاۋىپسىزدىك شارالارىن ساقتاۋدى ەسكەرمەۋى مۇمكىن. سول سەبەپتەن، ءبىز دە بازاردا كاسىبىن جۇرگىزەتىندەر مەن كەلۋشىلەردىڭ ۇجىمدىق يممۋنيتەتى قالىپتاسقانىن قالايمىز. ۆاكسينا سالدىرۋ ارقىلى عانا كوروناۆيرۋس ينفەكسياسىنىڭ تارالۋىن توقتاتا الامىز» - دەيدى «دينا» بازارىنىڭ اكىمشىسى بايان رايىمقۇل قىزى.
ونىڭ ايتۋىنشا، كۇزگە قاراي ۆاكسينا العانداردىڭ اراسىندا تۇرمىستىق تەحنيكالاردىڭ ۇتىس ويىنىن وتكىزۋ جوسپارلانعان. مۇنداي باستامانى وزگە ساۋدا ورتالىقتارىنىڭ يەلەرى دە قولداۋ ءبىلدىرىپ وتىر.
ەسكە سالا كەتەلىك، بۇدان بۇرىن اتىراۋ وبلىسىندا ءبىر كۇندە 1 103 تۇرعىن ۆاكسينا سالدىرعان بولاتىن.
اۆتور: بەك مۇستافا