+7 (701) 759 90 19
21 °С : نۇر-سۇلتان
23 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

«اكەمنىڭ فاميلياسىن ەستىگەندە ۇيالىپ كەتەمىن»: اقيىق اقىن مۇقاعالي ماقاتايەۆتىڭ قىزى سۇحبات بەردى

17 ماۋسىم 12:45
:ءبولىسۋ
«اكەمنىڭ فاميلياسىن ەستىگەندە ۇيالىپ كەتەمىن»: اقيىق اقىن مۇقاعالي ماقاتايەۆتىڭ قىزى سۇحبات بەردى

نۇر-سۇلتان. قازاقپارت - قازاقتىڭ اقيىق اقىنى مۇقاعالي ماقاتايەۆتىڭ كەنجە قىزى شولپان مۇقاعالي قىزى «تىلەۋحان ۇلىمەن سۇحبات» باعدارلاماسىنا كەلىپ سۇحبات بەردى.

بۇل تۋرالى Caravan.kz پورتالى حابارلايدى.

شولپان مۇقاعالي قىزى قازىرگى تاڭدا ءال-فارابي اتىنداعى قازاق ۇلتتىق ۋنيۆەرسيتەتىنىڭ وقىتۋشىسى بولىپ جۇمىس ىستەيدى. سۇحبات بارىسىندا اكەسى تۋرالى كوپ ەستەلىكتەر ايتىپ بەردى.

- ءسىزدىڭ شولپان مۇقاعالي قىزى ەكەندىگىڭىزدى ەستىگەندە ادامدار قانداي اسەردە بولادى؟

- ەندى بىلاي ەستىگەن ادامدار تاڭ قالىپ جاتادى ارينە. اسىرەسە توي-تومالاقتاردا وتىرعان كەزدە «مۇقاعاليدىڭ قىزى» - دەپ ادامدار ءوزارا سىبىرلاسىپ جاتادى. سونداي كەزدە مەن قاتتى ۇيالىپ كەتەمىن. ءوزىم وندايدى ونشا ۇناتا بەرمەيمىن. ىڭعايسىزدانىپ قالامىن.

- فاميلياڭىزدىڭ پايداسى تيگەن كەزى بولدى ما؟

- قازىر كوشەلەرگە اكەمنىڭ اتى-ءجونى بەرىلىپ جاتىر. شۇكىر. كوپ ادام فاميليامنىڭ پايداسى كوپ، كەز-كەلگەن جەردە پروبلەماسىن شەشەدى دەپ ويلايتىن شىعار. شىنى كەرەك ولاي ەمەس، پايداسى بولدى ارينە ءبىراق، اناۋ ايتقانداي ەمەس.

- اكەڭىز ءىشىپ الىپ ولەڭ جازعان با؟

- جوق، ەشقاشان. اكەم ءىشىپ الىپ ولەڭ جازبايتىن. كابينەتىنە كىرىپ الىپ سول جەردە عانا جازاتىن. اكەمنىڭ ولەڭدەرى تولقىن سياقتى بولاتىن. شيمايلاپ تاستامايتىن ەدى. جازۋى وتە ادەمى بولاتىن. قىزىعاتىن ەدىم.

- فرانسۋز ءتىلىنىڭ مامانىسىز، فرانسۋز ءتىلىن جەتىك بىلەسىز. اكەڭىزدىڭ ولەڭدەرىن فرانسۋز تىلىنە اۋدارعىڭىز كەلمەي مە؟

- جوق، ول ەندى ءسوز بە ءسوز اۋدارۋ دەگەن قيىن نارسە، ونى جەتكىزە ءبىلۋ ءۇشىن اكەمنىڭ دارىنى سياقتى دارىن كەرەك. اكەمنىڭ ولەڭدەرىندە ءوزىڭىز دە بىلەسىز، فيلولوگسىز عوي تەرەڭ ويلار، ءبىر ەمەس بىرنەشە ويلار جاتىر عوي.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات