ت م د قۇرامىنداعى تاعى ءبىر ەل كوروناۆيرۋسقا قارسى ۆاكسينا ازىرلەدى
ولاردى رەسپۋبليكالىق ەپيدەميولوگيا جانە ميكروبيولوگيا عىلىمي- پراكتيكالىق ورتالىعى جۇرگىزەدى. تاجىريبەلىك ۇلگىنى سىناۋ شارالارى كۇزگە دەيىن اياقتالادى دەپ جوسپارلانۋدا. ەلدەگى ۆاكسينا ءونىدىرىسى 2022 -جىلى ىسكە قوسىلۋى مۇمكىن.
سيام تۋريستەردى قابىلداۋعا دايىندالىپ جاتىر. تايلاند بيلىگى الداعى ءتورت اي ىشىندە باسقا ەلدەردىڭ تۇرعىندارى ءۇشىن شەكارانى اشۋعا نيەتتى. بۇل تۋرالى ەلدىڭ پرەمەر-ءمينيسترى پرايۋت چان-وچا مالىمدەدى.
ونىڭ ايتۋىنا قاراعاندا، شەتەلدىك تۋريستەردى قابىلداۋعا «دايىن» كۋرورتتىق ايماقتار ەرتەرەك اشىلۋى مۇمكىن. شەكارالاردىڭ اشىلۋى ەپيدەميولوگيالىق جاعدايعا ءقاۋىپ توندىرەتىندىگىن تۇسىنگەن ساياساتكەر ەل ەكونوميكاسىن دامىتۋداعى تۋريستىك سالانىڭ ماڭىزدى ءرولىن اتاپ ءوتتى. پ ت ر زەرتتەۋلەردىڭ ناتيجەسىن ۇسىنۋ مىندەتى الىنبايدى.
گەرمانيادا ەلگە كەلەتىن ازاماتتارعا قاتىستى ەرەجەنىڭ كۇشى جويىلعان جوق. اتالمىش ەرەجەگە سايكەس ەلگە كەلگەندەردىڭ بارلىعى پتر تەستىنىڭ تەرىس ناتيجەسى بار انىقتامانى كورسەتۋى كەرەك. مۇنداي شەشىم گەرمانيانىڭ دەنساۋلىق ساقتاۋ ءمينيسترى يەنس شپان مەن گەرمانيا فەدەرالدى جەرلەرىنىڭ دەنساۋلىق ساقتاۋ مينيسترلىگى باسشىسىنىڭ كەزدەسۋىندە قابىلداندى. سونىمەن قاتار، مەكتەپتەردە تەستىلەۋدى اپتاسىنا ەكى رەت جۇرگىزۋدى جالعاستىرۋ، كۇز جانە قىس ايلارىندا گەرمانيا تۇرعىندارى ءۇشىن جەدەل تەستتەردى تەگىن وتكىزۋ قاجەتتىلىگى تۋرالى ايتىلدى.