جاس وتباسىلار مەملەكەتتىك قولداۋدىڭ قانداي باعدارلامالارىمەن باسپانالى بولا الادى

نۇر-سۇلتان. قازاقپارات – ق ر ي ي د م قازاقستاندىق جاس وتباسىلارعا پاتەر ساتىپ الۋعا مۇمكىندىك بەرەتىن مەملەكەتتىك قولداۋدىڭ جەڭىلدىكتى شارتتارىن ايتىپ، قولدانىستاعى جانە اكىمدىكتەر ازىرلەيتىن تۇرعىن ءۇي باعدارلامالارى تۋرالى حاباردار ەتتى، دەپ جازادى قازاقپارات.

قولدانىستاعى «نۇرلى جەر» تۇرعىن ءۇي-كوممۋنالدىق دامۋ مەملەكەتتىك باعدارلاماسى اياسىندا «وتباسى بانك» ا ق ارقىلى جىلدىق %2 جەڭىلدىكپەن نەسيە بەرۋ كوزدەلگەن. نىسانالى توپ - كەزەكتە تۇرعاندار، اتاپ ايتقاندا، كوپبالالى، تولىق ەمەس وتباسىلار جانە مۇگەدەك بالالارى بار جانۇيالار.

بۇگىنگە دەيىن اتالعان باعدارلاما بويىنشا تابىسى تومەن ساناتتاعى 9443 وتباسى باسپانالى بولدى.

كەزەكتە تۇرعان تاعى 17 مىڭىندا «5-10-20» مەملەكەتتىك باعدارلاماسى بويىنشا پاتەر ساتىپ الۋعا قارىز الۋ مۇمكىندىگى بار. ولار تۇرعىن ءۇي قۇنىنىڭ %10 باستاپقى جارناسىن تولەپ، %5 بەن 20 جىلعا دەيىن نەسيە الا الادى.

بۇل ماقساتقا پرەزيدەنت قاسىم-جومارت توقايەۆتىڭ تاپسىرماسى بويىنشا 210 ميلليارد تەڭگە بولىنگەن بولاتىن. اتالعان باعدارلاما بويىنشا 9699 وتباسى پاتەر ساتىپ الۋعا نەسيە راسىمدەگەن.

2020 -جىلدىڭ شىلدەسىندە بانك جاس وتباسىلارعا ارنالعان «جاس وتباسى» اتتى ءوزىنىڭ تۇراقتى باعدارلاماسىن ىسكە قوستى. باستاپقى جانە قايتالاما نارىقتاردا تۇرعىن ءۇي، سونداي-اق ءوز ءۇيىن سالۋ ءۇشىن جەر ۋچاسكەسىن ساتىپ الۋ ءۇشىن قارىزدار جىلدىق %6 بەن بەرىلەدى. ال 2 جىل وتىسىمەن مولشەرلەمە %5 عا دەيىن تومەندەيدى. نەسيەلەۋ مەرزىمى 6 جىلدان 9 جىلعا دەيىن.

بۇل باعدارلامادا ەرلى- زايىپتىلاردىڭ جاسىنا جانە وتباسىنداعى بالالاردىڭ سانىنا ەشقانداي شەكتەۋلەر جوق. «جاس وتباسى» بويىنشا قارىز الۋدىڭ نەگىزگى كريتەريلەرى: نەكەدە 3 جىلدان 5 جىلعا دەيىن تىركەلۋ، «وتباسى بانكتە» دەپوزيتتىڭ بولۋى (اشىلۋى)، تۇرعىن ءۇي قۇنىنىڭ %50 ىن جيناقتاۋ. سونداي-اق، ساتىپ الىناتىن تۇرعىن ءۇي سوماسىنىڭ %50 ىن ءبىر مەزگىلدە سالعان كەزدە جەڭىلدىكتى قارىز الۋ مۇمكىندىگى بار.