ۇلتتىق بانك وكىلى باعا تۇراقسىزدىعىنىڭ سەبەپ- سالدارىن ءتۇسىندىردى
«باعا تۇراقتىلىعىن قامتاماسىز ەتۋ اياسىندا 2020 -جىلى مەملەكەت باسشىسىنىڭ تاپسىرماسى بويىنشا ينفلياتسيا 8-8,5 پايىز شەگىندە ۇستالىپ، 7,5 پايىز بولدى. قازاقستاندا، سول سياقتى نەگىزگى ساۋدا ارىپتەستەرى بولىپ سانالاتىن ەلدەردە توتەنشە جاعداي رەجيمى مەن كارانتين شارالارىنىڭ قولدانىلۋى جاعدايىندا جەتكىزۋ تىزبەكتەرىنىڭ بۇزىلۋى، سونداي- اق تاۋارلاردىڭ جەكەلەگەن توپتارىنا سۇرانىستىڭ ارتۋى ناتيجەسىندە ازىق- تۇلىك باعاسىنىڭ 11,3 پايىزعا جەدەلدەۋى 2020 -جىلى ينفلياتسيانىڭ وسۋىنە نەگىزگى ۇلەس قوستى. ينفلياتسيا قۇرىلىمىندا ازىق- تۇلىككە جاتپايتىن تاۋارلار 2020 -جىلى 5,5 پايىزعا، اقىلى قىزمەتتەر 4,2 پايىزعا قىمباتتادى»، - دەدى ا. بايماعامبەتوۆ سەناتتا 2020 -جىلعى بيۋدجەتتىڭ اتقارىلۋىنا قاتىستى ۇكىمەتتىڭ جانە ەسەپ كوميتەتىنىڭ ەسەپتەرىن قاراۋ بارىسىندا.
ونىڭ ايتۋىنشا، 2020 -جىلعى ماۋسىمنان باستاپ ازىق- تۇلىك باعاسىنىڭ الەمدىك ءوسۋىنىڭ جالعاسۋى ينفلياتسيانىڭ وسۋىنە زور ۇلەس قوستى. ناتيجەسىندە، وسى جىلعى مامىر ايىندا بىرىككەن ۇلتتار ۇيىمىنىڭ ف ا و يندەكسى 10 جىلدىق ماكسيمۋمعا - 127,1 تارماققا جەتتى.
«جىلدىق ينفلياتسيا بيىلعى جىلدىڭ باسىندا 7 پايىز دەڭگەيىندە تۇراقتانعان سوڭ، مامىردا 7,2 پايىزعا دەيىن جىلدامدادى. ازىق- تۇلىك تاۋارلارىنا باعا ءوسۋىنىڭ باياۋلاۋىنان بولعان اسەر ازىق- تۇلىككە جاتپايتىن تاۋارلار مەن اقىلى قىزمەتتەر باعاسىنىڭ ايتارلىقتاي وسۋىمەن تەڭەستىرىلدى. ازىق- تۇلىك ينفلياتسياسى 2020 -جىلعى ينفلياتسيانىڭ جوعارى بازاسى ەسەبىنەن شىعۋعا، نان- توقاش ونىمدەرى، ەت، قانت جانە جەمىس- كوكونىس ونىمدەرىنىڭ باعاسىن ءوسىرۋدىڭ باياۋلاۋىنا بايلانىستى 11,3 پايىزدان 9,3 پايىزعا دەيىن باياۋلادى. بۇل رەتتە جەكەلەگەن تاۋار نارىقتارىنداعى باعالارعا اسەر ەتەتىن تەڭگەرىمسىزدىك ساقتالۋدا»، - دەدى ۇ ب وكىلى.
ونىڭ سوزىنە قاراعاندا، ازىق- تۇلىككە جاتپايتىن ينفلياتسيا كيىم- كەشەك پەن اياق كيىم باعاسىنىڭ 5,9 پايىزعا، بەنزين باعاسىنىڭ 12,7 پايىزعا دەيىن ءوسۋ قارقىنىنىڭ جەدەلدەۋىنە بايلانىستى 6,7 پايىزعا دەيىن جىلدامدادى. ازىق- تۇلىككە جاتپايتىن تاۋارلار باعاسىنىڭ جىلدىق ءوسۋ قارقىنىنىڭ جىلدامداۋى تۇتىنۋشىلىق سۇرانىس پەن ىسكەرلىك بەلسەندىلىكتىڭ بىرتىندەپ قالپىنا كەلۋى اياسىندا يمپورتتىق باعانىڭ وسۋىنە بايلانىستى ورىن الدى. ناتيجەسىندە، ازىق- تۇلىككە جاتپايتىن تاۋارلار باعاسىنىڭ وسۋىنە جانار- جاعارماي ماتەريالدارىنىڭ، كيىم- كەشەك پەن اياق كيىمنىڭ قوسقان ۇلەسى وسى جىلعى اقپان ايىنداعى 1,7 پايىزدىق تارماقتان مامىر ايىنداعى 3,5 پايىزدىق تارماققا دەيىن 3 ايدا 2 ەسە ءوستى.
«بيىلعى جىلعى مامىردا حالىققا اقىلى قىزمەت كورسەتۋ باعاسىنىڭ ءوسۋى 5,1 پايىز بولدى، نەگىزىنەن ەلەكتر ەنەرگياسىنا، تۇرعىن ءۇي كوممۋنالدىق شارۋاشىلىق قىزمەتتەرىنە جانە اۋە كولىگىمەن ۇشۋعا باعانىڭ ءوسۋى بايقالادى. ينفلياتسيا قالىپتاسۋىنىڭ نەگىزگى فاكتورلارى تۇراقتى سيپاتقا يە ەمەس. بيىل پروينفلياتسيالىق فاكتورلار تاراپىنان تاۋەكەلدەر ىسكە اسىرىلعان جاعدايدا ۇلتتىق بانك اقشا- كرەديت تالاپتارىن كۇشەيتۋ جونىندە شەشىم قابىلدايتىن بولادى»، - دەدى اقىلجان بايماعامبەتوۆ.
«2022 -جىلى ساۋدا ارىپتەستەرى بولىپ سانالاتىن ەلدەردەگى باعانىڭ ءوسۋ اسەرىنىڭ سارقىلۋى جانە سىرتقى ينفلياتسيالىق قىسىمنىڭ، ونىڭ ىشىندە الەمدىك ازىق- تۇلىك نارىقتارىن تۇراقتاندىرۋ ەسەبىنەن السىرەۋى بولجانىپ وتىر، بۇل قازاقستانداعى ينفلياتسيانىڭ 4-6 پايىز نىسانالى دالىزگە ەنۋىنە ىقپال ەتەتىن بولادى. مونەتارلىق تالاپتار ينفلياتسيانىڭ باياۋلاۋىنا قاراي ورتا مەرزىمدى پەرسپەكتيۆادا بەيتاراپ ماندەرگە جۋىقتايتىن بولادى»، - دەدى ول.
اۆتور: رۋسلان عابباسوۆ