فرانسيا بيلىگى سانيتارلىق شەكتەۋلەردەن باس تارتتى
سەبەبى وتكەن جىلدىڭ تامىز ايىنان بەرى كوروناۆيرۋستى جۇقتىرۋ دەرەگى ەداۋىر باسەڭدەگەن. قازىر ۆيرۋس تاۋلىگىنە 3 مىڭ ادامنان انىقتالۋدا. وسىعان بايلانىستى بيلىك كوشەلەردە بەتپەردە تاعىپ ءجۇرۋ ءتارتىبىن الىپ تاستادى.
ءبىراق ادامدار كوپ شوعىرلانعان ورىنداردا بەتپەردە كيۋ ءالى دە ساقتالماق. بۇدان بولەك، وسى اپتانىڭ سوڭىندا ەلدە 8 اي بويى قولدانىلىپ كەلگەن كومەندانتتىق ساعات الىنادى. ستاديون، كونسەرتتىك زال، كينوتەاتر جانە تەاترلارعا كىرۋشىلەر سانىنا شەكتەۋ دە ءبىرشاما جەڭىلدەتىلەدى. ال، بيلىك ەلدە ىندەتتىڭ تارالۋىىنڭ تومەندەۋىن حالىقتى دەرتكە قارسى جاپپاي ۆاكسيانالاۋ شاراسىمەن بايلانىستىرىپ وتىر.
جان كاستەكس، فرانسيا پرەمەر- ءمينيسترى:
- ءبىز حالىقتى جاپپاي ۆاكسينالاۋدىڭ ارقاسىندا جاقسى ناتيجەگە قول جەتكىزدىك. ەلدەگى ەپيدەميولوگيالىق احۋال جاقساردى. ۆاكسينالار كوروناۆيرۋسپەن بىرگە جاڭا شتامدارعا قارسى جوعارى تيىمدىلىگىن كورسەتتى. ەلدە ەكپەنىڭ ءبىرىنشى دوزاسىن 30 ميلليون ادام الدى. بۇل ۇلكەن جەتىستىك. ىندەتتىڭ جاڭا تولقىنىن بولدىرماس ءۇشىن ۆاكسينالاۋ شاراسىن قارقىندى جۇرگىزە بەرۋىمىز قاجەت.
www.24.kz