+7 (701) 759 90 19
16 °С : نۇر-سۇلتان
28 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

وليمپياداعا باراتىن سپورتشىلار ۆاكسينا سالدىرىپ جاتىر

17 ماۋسىم 08:53
:ءبولىسۋ
وليمپياداعا باراتىن سپورتشىلار ۆاكسينا سالدىرىپ جاتىر

نۇر- سۇلتان. قازاقپارات – وليمپياداعا باراتىن سپورتشىلار جاپپاي ۆاكسينا سالدىرىپ جاتىر. بۇگىنگە دەيىن ۇلتتىق قۇرامانىڭ 80 پروتسەنتى ەكپە جاساتتى.

ءبىراق ۇيىمداستىرۋشى تاراپ بۇنى مىندەتتەپ وتىرعان جوق. تەك كەڭەس بەرۋمەن عانا شەكتەلەدى. توكيو وليمپياداسى جوسپار بويىنشا 23 -شىلدەدە باستالادى. جوسپار بولعاندا، بۇل ناقتى بەكىتىلگەن. وعان شەتەلدىك كورەرمەندەر جىبەرىلمەيدى. ال جەرگىلىكتى سپورتسۇيەر قاۋىم الامانداردى تاماشالاۋى مۇمكىن. بۇل ماسەلە ءالى كۇنگە دەيىن قىزۋ تالقىلانىپ جاتىر.

بايراقتى باسەكەنىڭ باسى- قاسىنداعىلار قالاي بولعاندا دا بارىنشا قاۋىپسىز وتكىزۋدىڭ جولدارىن ىزدەپ الەك. وسى ماقساتتا ءار ەلدەن كەلەتىن دەلەگاتسيا سانىن قىسقارتتى. سپورتشىلار مەن باپكەرلەر بۇرىنعىداي بىرەر اپتا بۇرىن ەمەس، ءبىر اپتا قالعاندا عانا وليمپيادا قالاشىعىنا ورنالاسادى. بارلىعى بىردەي ۆاكسينا الۋ كەرەك دەگەن تالاپ جوق.

ايگۇل بەكتەنوۆا، ق ر م س م جازعى سپورت تۇرلەرى باسقارماسىنىڭ باسشىسى:

- بىزدە سپورتشىلاردىڭ بارىنەن سۇراۋ قاعازدارىن تولتىردى. كىم ۆاكسينا ءوز ەركىمەن الۋعا دايىن سولارعا ۆاكسينا سالۋ جۇمىستارى جۇرگىزىلەدى دەنساۋلىق ساقتاۋ مينيسترلىگىمەن بىرلەسىپ. وزدەرىڭىز بىلەسىز، ءبىرىنشى كومپونەنت پەن ەكىنشى كومپونەنت اراسىندا بەلگىلى ۋاقىت ءوتۋ كەرەك. سوعان بايلانىستى كەيبىر سپورتشىلاردىڭ دايىندىعى سايكەس كەلمەۋى مۇمكىن. جارىسقا قاتىسۋى مۇمكىن. سوندىقتان دايىندىق جوسپارىن بىرىنشىدەن قارايدى.

ەكىنشىدەن، ەڭ الدىمەن سپورتشىنىڭ ەركى بولۋ كەرەك. ەگەر سالام دەپ تۇرسا عانا سالىنىپ جاتىر. باس تارتقاندارى دا بار.

قازاقستاندىق دەلەگاتسيا قالىپتاسقان جاعدايدى جاقسى تۇسىنەدى. سوندىقتان بارلىعىمىز دا ەكپە جاساتۋعا تىرىسامىز دەيدى گۇزەل مانيۋروۆا. وليمپيادا ويىندارىنىڭ جۇلدەگەرى بۇگىن ۇلتتىق قۇراماداعى شاكىرتتەرىمەن بىرگە ەلورداداعى ەكپە ورتالىعىنا كەلدى. ولار وتاندىق ءونىمدى تاڭدادى.

گۇزەل مانيۋروۆا، ق ر ايەلدەر كۇرەسى فەدەراتسياسى پرەزيدەنتىنىڭ ورىنباسارى:

- مەن ءوزىمىزدىڭ وندىرۋشىلەردى قولداۋدى ءجون كوردىم. بۇل بىرىنشىدەن. ەكىنشىدەن كازۆاك- تىڭ ءبىرىنشى جانە ەكىنشى ەكپەسىنىڭ اراسىندا 21 كۇن ءوتۋى كەرەك. باسقالارىندا ۇزاقتاۋ. وليمپياداعا وتە از قالدى. سوندىقتان بىزگە قازىر ەڭ قولايلىسى وسى. وليمپيادا باراتىن قىزداردىڭ بارلىعى ەكپە جاساتتى. ەندى دايىندىقتى تاعى ءبىر پىسىقتاپ، ەل نامىسىن قورعاۋعا اتتانامىز.

قازاقستاندىق تاراپ سپورتشىلاردىڭ دەنساۋلىعى مەن قاۋىپسىزدىگى ءۇشىن ۇلتتىق قۇرامانى چارتەرلىك رەيس جالداپ، ءبىر ۇشاقپەن اپارۋدى جوسپارلاپ وتىر. توكيوعا ولار تەست ناتيجەسىمەن جىبەرىلەدى جانە جارىس بارىسىندا بىرنەشە رەت تاعى دا تەكسەرۋدەن وتەدى. ال سانيتارلىق تالاپتاردى بۇزعان نە وعان باعىنباعان سپورتشىلار جارىستان شەتتەتىلىپ، ءوز ەلدەرىنە قايتارىلادى. قازاقستان قۇراماسىندا قازىر 70-كە جۋىق ليسەنزيا بار. جوسپار بويىنشا كورسەتكىش 100-دەن اسۋ كەرەك. ىرىكتەۋ جارىستارى 1 - شىلدەگە دەيىن جالعاسادى.

www.24.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات