اۋستراليا شتاتىن ميلليونداعان ورمەكشىلەر باسىپ قالدى
ميلليونداعان ورمەكشىلەر تورى اۆستراليانىڭ ۆيكتوريا شتاتىنىڭ اۋداندارىن قالىڭ قاباتپەن جاۋىپ تاستاعان. ولار شوپتەردى، بۇتالاردى، اعاشتاردى، جول بەلگىلەرىن جانە باسقا قۇرىلىمداردى باسىپ قالدى. مامانداردىڭ ايتۋىنشا، ادەتتە ورمەكشىلەر نوسەر جاڭبىردان تۋىنداعان تاسقىن سۋدان قاشادى. ياعني جەردەن بيىككە كوتەرىلىپ، توسەك جاپقىشتارىنا ۇقساس مىقتى تور ورەدى.
«ولار بىزگە ازدى- كوپتى تانىس جەلىدەن ءسال وزگەشە ۆەب جاسايدى. وسىنداي قاتتى جاڭبىر مەن سۋ تاسقىنى بولعان كەزدە، ورمەكشى بيىك جەرلەرگە اۋىسادى. ورمەكشىلەر ءوز تورلارىنىڭ ەكى قاباتى اراسىندا ءومىر سۇرەدى»، - دەپ ءتۇسىندىردى سيدنەي ۋنيۆەرسيتەتىنىڭ پروفەسسورى ديتەر حوچۋلي.
باسىلىم ورمەكشىنىڭ بۇل ءتۇرى ادامدارعا قاۋىپ توندىرمەيتىنىن اتاپ ءوتتى. قازىر جەرگىلىكتى تۇرعىندار ورمەك تورىن جاپپاي تازارتىپ جاتىر.