نۇر-سۇلتاننان الماتىعا ۇشىپ شىققان ۇشاق ەلوردا اۋەجايىنا قايتا ورالدى

نۇر-سۇلتان. قازاقپارات - نۇر-سۇلتاننان الماتىعا ۇشىپ شىققان ۇشاق ەلوردا اۋەجايىنا قايتا ورالدى، دەپ حابارلايدى قازاقپارات ءتىلشىسى.

نۇرسۇلتان نازاربايەۆ حالىقارالىق اۋەجايى باسپا ءسوز قىزمەتىنىڭ مالىمەتىنشە، وقيعا «نۇر-سۇلتان- الماتى» باعىتىنداعى ك س7056 رەيسىندە ورىن العان.

«ۇشاق ساعات 14:34-تە ۇشىپ كەتىپ، تەحنيكالىق سەبەپتەرگە بايلانىستى قايتىپ ورالدى. اۋە كەمەسىن اۋىستىرۋ جۇرگىزىلەدى»، - دەدى اۋەجايدىڭ باسپا ءسوز قىزمەتىنەن.

الدىن الا مالىمەتكە سايكەس، اتالعان باعىتتا ۇشاقتىڭ ۇشىپ كەتۋى ساعات 23:40-قا جوسپارلانىپ وتىر ال الماتى اۋەجايىنىڭ ونلاين-تابلوسىنداعى اقپاراتتا Fly Arystan اۋە كومپانياسىنىڭ Airbus A32 ۇلگىدەگى ۇشاعىنىڭ بۇگىن كەشىگەتىندىگى كورسەتىلگەن.

اۆتور: مارلان جيەمباي