+7 (701) 759 90 19
5 °С : نۇر-سۇلتان
20 °С : الماتى
USD 424.92 EUR 500.09
RUB 5.87 CNY 65.92
جاڭالىقتار

ادام جانىنىڭ اراشاسى: قازاقستاندا نەشە دارىگەر جۇمىس ىستەيدى

16 ماۋسىم 18:39
:ءبولىسۋ
ادام جانىنىڭ اراشاسى: قازاقستاندا نەشە دارىگەر جۇمىس ىستەيدى

نۇر-سۇلتان. قازاقپارات - ەلباسى كىتاپحاناسىندا مەديتسينا قىزمەتكەرلەرى كۇنىنە وراي «ادام جانىنىڭ اراشاسى» اتتى سالتاناتتى كەزدەسۋ ءوتتى، دەپ حابارلايدى قازاقپارات ءتىلشىسى.

شاراعا پرەمەر-ءمينيستردىڭ ورىنباسارى ەرالى توعجانوۆ، ەلباسى كىتاپحاناسىنىڭ ديرەكتورى باقىتجان تەمىربولات، دەنساۋلىق ساقتاۋ ءمينيسترى الەكسەي سوي، نۇرسۇلتان نازاربايەۆ قورىنىڭ اتقارۋشى ديرەكتورىنىڭ ورىنباسارى الكەي مارعۇلان ۇلى، ۇلتتىق نەيروحيرۋرگيا ورتالىعىعىنڭ باسقارما ءتوراعاسى سەرىك اقشولاقوۆ، پارلامەنت ءماجىلىسىنىڭ دەپۋتاتى لاريسا پاۆلوۆەتس، University Medical Center كورپوراتيۆتىك قورىنىڭ باسقارما ءتوراعاسى يۋري پيا جانە باسقا دا عىلىمي مەديتسينالىق ۇيىمداردىڭ وكىلدەرى قاتىستى.

كەزدەسۋدى اشقان ەلباسى كىتاپحاناسىنىڭ ديرەكتورى باقىتجان تەمىربولات پاندەميامەن كۇرەستەگى دارىگەرلەردىڭ ولشەۋسىز ەڭبەگىنە توقتالدى.


«ءار ادامنىڭ دەرتىنە شيپا، جانىنا داۋا سىيلايتىن ابزال جانداردىڭ ەرەن ەڭبەگىن جوعارى باعالاعان نۇرسۇلتان ءابىش ۇلى نازاربايەۆ ماۋسىم ايىنىڭ ءۇشىنشى جەكسەنبىسىن مەديتسينا قىزمەتكەرلەرى كۇنى دەپ بەكىتكەن بولاتىن. تاۋەلسىزدىك جىلدارىندا قازاقستاندا ءتيىمدى دەنساۋلىق ساقتاۋ سالاسى قالىپتاستى. ونى ۇيىمداستىرۋ، باسقارۋ جانە قارجىلاندىرۋ جۇيەسى رەفورمالاندى. وسىنىڭ ارقاسىندا كورسەتىلەتىن قىزمەتتىڭ ساپاسى ارتتى. تۇڭعىش پرەزيدەنتىڭ باستاماسىمەن ەل استاناسىندا مەديتسينالىق كلاستەر قۇرلىپ، سالاعا اۋقىمدى وزگەرىس اكەلدى. پوستكەڭەستىك كەڭىستىكتە العاش رەت ۇيىمداستىرىلعان كلاستەر زاماناۋي عىلىمنىڭ جەتىستىكتەرىن ەنگىزىپ، ەمدەۋ مەن دايگنوستيكانىڭ مەنەدجمەنتىن حالىقارالىق ستاندارتتار بويىنشا ترانسفورماتسيالادى. بۇكىل الەمگە ايگىلى ۋنيۆەرسيتەتتەرمەن، كلينيكالارمەن ارىپتەستىك ورناتۋ ارقاسىندا بىرلەسكەن عىلىمي زەرتتەۋلەر، جوبالار ىسكە اسىرىلدى»، - دەپ اتاپ ءوتتى كىپتاحانا باسشىسى.


سونداي-اق، ول پاندەميامەن كۇرەستىڭ العى شەبىندە ءجۇرىپ كوز جۇمعان مامانداردى ەسكە الدى. «وسىناۋ قيىن كەزەڭدە ۆيرۋس ءبىرتالاي مەديتسينا قىزمەتكەرىنىڭ ءومىرىن قيىپ كەتتى. ادام بالاسىنا ءتان مۇمكىندىگىن سارقا پايدالانىپ، اقتىق دەمى قالعانشا اۋرۋمەن كۇرەسكەن مارقۇمداردىڭ كوبى - ءوز ءىسىنىڭ ۇزدىكتەرى بولعان ەدى. دارىگەرلەرمىز گيپپوكرات وسيەتىنە ادالدىق تانىتىپ، وزدەرىن پاتريوت رەتىندە كورسەتە ءبىلدى. وزدەرى ورتەنسە دە، وزگەلەرگە ءومىر سىيلادى. سوندىقتان ولاردىڭ ەسىمى جۇرەگىمىزدە ساقتالادى. بۇگىن وسى كەزدەسۋگە ونلاين بايلانىس ارقىلى بولاشاق دارىگەرلەر دە قاتىسىپ وتىر»، - دەدى باقىتجان تەمىربولات.


رەسمي دەرەك بوىنشا، قازاقستاندا مەملەكەتتىك نىسانداعى 496 اۋرۋحانا مەن 1955 امبۋلاتوريالىق- ەمحانالىق ۇيىم جۇمىس ىستەيدى. وندا 207 مىڭعا جۋىق مەديتسينا قىزمەتكەرى، ونىڭ ىشىندە 55 مىڭعا جۋىق دارىگەر ەڭبەك ەتىپ ءجۇر.

اۆتور: ەسىمجان ناقتىباي


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات