+7 (701) 759 90 19
16 °С : نۇر-سۇلتان
24 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

كوروناۆيرۋسقا قارسى وتاندىق ەكىنشى ۆاكسينانىڭ سىناق ناتيجەسى قاشان بەلگىلى بولادى

16 ماۋسىم 17:26
:ءبولىسۋ
كوروناۆيرۋسقا قارسى وتاندىق ەكىنشى ۆاكسينانىڭ سىناق ناتيجەسى قاشان بەلگىلى بولادى

نۇر-سۇلتان. قازاقپارات - كوروناۆيرۋسقا قارسى وتاندىق ەكىنشى ۆاكسينانىڭ كلينكاعا دەيىنگى سىناق ناتيجەسى قاشان بەلگىلى بولادى؟

بۇل ساۋالعا ق ر دەنساۋلىق ساقتاۋ ءمينيسترى الەكسەي سوي جاۋاپ بەردى، دەپ حابارلايدى قازاقپارات ءتىلشىسى.

«بيولوگيالىق قاۋىپسىزدىك ماسەلەلەرى جونىندەگى عىلىمي- زەرتتەۋ ينستيتۋتى قازىر بىرنەشە ۆاكسينا ازىرلەپ جاتىر. ولار سىناقتىڭ ءتۇرلى ساتىسىندا تۇر. سۋببىرلىكتى ەكىنشى ۆاكسينا ءتيىستى كلينيكاعا دەيىنگى كەزەڭنەن ءوتتى جانە كلينيكالىق سىناق باستالدى. ناتيجە قورىتىندىسى بويىنشا اقپارات بەرەمىز»، - دەدى مينيستر ورتالىق كوممۋنيكاتسيالار قىزمەتىندەگى بريفينگ بارىسىندا. ونىڭ اتاپ وتۋىنشە، زەرتتەۋ مالىمەتتەرى قۇپيا سانالادى. تەك حابارلاۋعا بولاتىن اقپارات پايدا بولعان كەزدە عانا مينيسترلىك ونى جاريا ەتەدى.

«بارلىق ۆاكسينا ستاندارتتى جولمەن جۇرەدى. ياعني، ەرىكتىلەر كلينيكاعا دەيىنگى سىناقتان وتەدى. ودان سوڭ كيلينيكالىق سىناقتىڭ 1، 2، 3 كەزەڭى بولادى. ەگەر بارلىعى قاۋىپسىزدىككە سايكەس كەلسە جانە ءتيىمدى بولسا، وندا ۆاكسينا قولدانۋعا جىبەرىلەدى. ۆاكسينا قولدانۋ ساتىسىندا ءتورتىنشى كەزەڭنەن وتەدى. ويتكەنى، بۇل وسىنداي زاڭدى كەزەڭ سانالادى. ءبىز باعالاۋدىڭ الدىن الا ناتيجەسىن العاننان كەيىن اقپارات بولادى»، - دەدى الەكسەي سوي.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات