+7 (701) 759 90 19
16 °С : نۇر-سۇلتان
24 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

قازاقستاندا يزرايلدىك مەديتسينالىق زەرتحانا ىسكە قوسىلادى

16 ماۋسىم 16:27
:ءبولىسۋ
قازاقستاندا يزرايلدىك مەديتسينالىق زەرتحانا ىسكە قوسىلادى

نۇر- سۇلتان. قازاقپارات - قازاقستاننىڭ يزرايلدەگى ەلشىلىگىنىڭ قولداۋىمەن قازاقستان دەنساۋلىق ساقتاۋ مينيسترلىگى سانيتارلىق- ەپيدەميولوگيالىق باقىلاۋ كوميتەتىنىڭ «ۇلتتىق ساراپتاما ورتالىعى» مەن يزرايلدىك Aid Genomics كومپانياسى اراسىندا مەديتسينالىق زەرتحانانى وتەۋسىز بەرۋ تۋرالى ءوزارا تۇسىنىستىك تۋرالى مەموراندۋمعا قول قويۋ ءراسىمى ءوتتى،

دەپ حابارلايدى ق ر س ءى م باسپا ءسوز قىزمەتى.


قول قويۋ راسىمىنە قازاقستان ەلشىسى ساتىبالدى بۇرشاقوۆ قاتىسىپ، يزرايلدىڭ كوروناۆيرۋسپەن كۇرەستەگى جەتىستىكتەرىنىڭ اياسىندا بىرەگەي زەرتحانالىق جابدىقتىڭ بەرىلۋى ينفەكسيالىق اۋرۋلاردىڭ تارالۋىن بولدىرماۋدا ەرەكشە ماڭىزعا يە بولىپ وتىرعانىن اتاپ ءوتتى.


ديپلومات سونداي- اق قازاقستان مەن يزرايل دەنساۋلىق ساقتاۋ سالاسىندا بەلسەندى ىنتىماقتاسىپ، ماماندارعا ۇنەمى ترەنينگتەر وتكىزىپ، مەديتسينالىق زەرتتەۋلەر سالاسىندا تاجىريبە الماسىپ وتىرعانىن حابارلادى.


ءوز كەزەگىندە، Aid Genomics باس ديرەكتورى سنير زانو ءبىزدىڭ ەلدەرىمىز اراسىنداعى دوستىق قارىم- قاتىناستاردى جوعارى باعالاي وتىرىپ، ەڭ جاڭا مودەلدەگى زەرتحانانىڭ ءتۇرلى گەنومدىق جوبالاردا پايدالانىلۋى مۇمكىن تەحنولوگيالاردىڭ جوعارى دالدىكتى مولەكۋليارلىق- دياگنوستيكالىق مۇمكىندىكتەرىن كورسەتە الاتىندىعىن اتاپ ءوتتى.


جوبانى ىسكە اسىرۋ اياسىندا يزرايلدىك سەرىكتەستەر زەرتحانانى ىسكە قوسۋعا جانە ونى ودان ءارى پايدالانۋ ءۇشىن ءوز ماماندارىن قازاقستانعا جىبەرۋدى، سونداي- اق جەرگىلىكتى مەديتسينالىق مامانداردى ۇيرەتىپ، وقىتۋدى جوسپارلاپ وتىر.

AID Genomics Limited - قاتەرلى ىسىك جانە جۇقپالى اۋرۋلارمەن اۋىراتىن ناۋقاستاردى دياگنوستيكالاۋ مەن ەمدەۋدى جۇزەگە اسىراتىن مەديتسينالىق تەحنولوگيالارعا ماماندانعان حالىقارالىق كومپانيالار توبى. Aid Genomics- ءتىڭ دايىندالعان ەكسپەريمەنتتىك پلاتفورمالارىن ونكولوگيا، مولەكۋلالىق بيولوگيا، مولەكۋلالىق پاتولوگيا، گەنوميكا جانە بيوينفورماتيكا سالاسىنداعى جەتەكشى ماماندار توبى ازىرلەدى. كومپانيا يزرايلدە جۇرگىزىلگەن پ ت ر تەستەردىڭ % 70 قامتاماسىز ەتكەن.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات