قازاقستاندىق ۆاكسينا قاشان ەكسپورتقا شىعارىلادى - ءمينيستردىڭ جاۋابى

None
None
نۇر- سۇلتان. قازاقپارات - كۇزگە قاراي جامبىل وبلىسىنداعى QazVac ۆاكسيناسىن شىعاراتىن زاۋىت ىسكە قوسىلادى. بۇل تۋرالى ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.

«شىنىمەن دە قازاقستاندىق ۆاكسينا ەلىمىزدە دە، شەتەلدە دە ۇلكەن سۇرانىسقا يە بولىپ وتىر. ارينە، QazVac ۆاكسيناسىنىڭ تانىمالدىعىن ارتتىرۋ جانە ونى وزگە ەلدەرگە جەتكىزۋ جۇمىستارىن جۇرگىزۋ جوسپارلانعان. پروتسەدۋرا ۇزاققا سوزىلادى. ەلدەردىڭ ۆاكسينانى ءوزارا مويىنداۋى، جەتكىزىلەتىن ەلدە تىركەلۋى قاجەت. بۇل جۇمىستاردى بىرتىندەپ باستايمىز. قازىر بۇل ۆاكسينانى الۋعا نيەت تانىتقان سەرىكتەستەردى ىزدەستىرىپ جاتىرمىز. بارلىق رەتتەۋشى قۇرالدار ىسكە قوسىلعان»، - دەدى مينيستر ورتالىق كوممۋنيكاتسيالار قىزمەتىندەگى بريفينگ بارىسىندا.

ونىڭ اتاپ وتۋىنشە، جامبىل وبلىسىنداعى QazVac ۆاكسيناسىن شىعاراتىن زاۋىتتىڭ قۇرىلىسى اياقتالۋعا جاقىن. زاۋىت ىسكە قوسىلعاننان كەيىن ىشكى جانە سىرتقى نارىقتى قاجەتتى ۆاكسينامەن قامتاماسىز ەتۋگە قاۋقارلى بولادى.

«زاۋىتتى ىسكە قوسۋ جانە جوندەۋ جۇمىستارى اياقتالدى. قۇرال- جابدىقتاردى تەكسەرۋ جۇمىستارى جۇرگىزىلىپ جاتىر. جامبىل وبلىسى اكىمدىگىنىڭ اقپاراتىنا سايكەس، رەگلامەنتكە بايلانىستى پروتسەدۋرالار جۇرگىزىلۋ ۇستىندە. كۇزگە قاراي بۇل زاۋىت ىسكە قوسىلىپ، وندىرىستىك قۋاتىن بىرتىندەپ ارتتىرۋى ءتيىس»، - دەدى الەكسەي سوي.

اۆتور: مارلان جيەمباي

سوڭعى جاڭالىقتار