وتستاۆكاعا كەتەسىز بە - الەكسەي سويدىڭ جاۋابى

None
None
نۇر-سۇلتان. قازاقپارات - وسى جىلدىڭ قىركۇيەگىندە 10 ميلليون قازاقستاندىق كوروناۆيرۋسقا قارسى ۆاكسينا الۋى ءتيىس. جوسپار ورىندالماسا دەنساۋلىق ساقتاۋ ءمينيسترى وتستاۆكاعا كەتە مە؟

بۇل ساۋالعا ق ر دەنساۋلىق ساقتاۋ ءمينيسترى الەكسەي سويدىڭ ءوزى جاۋاپ بەردى، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتىندەگى بريفينگ بارىسىندا ب ا ق وكىلدەرى مينيسترىنەن: «قىركۇيەكتە 10 ميلليون قازاقستاندىق كوروناۆيرۋسقا قارسى ۆاكسينا الماسا وتستاۆكاعا كەتەسىز بە؟» دەپ سۇراعان بولاتىن. «بارلىعى ەلىمىزدىڭ ءاربىر ازاماتىنا، ونىڭ تۇسىنۋىنە بايلانىستى ەكەندىگىن ايتقىم كەلەدى. ۆاكسيناتسيا - ەرىكتى. بۇل ورايدا ءبىز ەشكىمدى دە ماجبۇرلەي المايمىز. تەك ءتۇسىندىرۋ ساياساتىن، تەك اقپاراتتىق قولداۋ عانا جۇرگىزەمىز. ونىڭ ۇستىنە سىزدەردى دە ەل ازاماتتارىنىڭ بارىنشا كوپشىلىگىن ۆاكسينامەن قامتۋ ءۇشىن كومەكتەسۋگە شاقىرامىز»، - دەدى الەكسەي سوي.

سونىمەن قاتار ول ۇكىمەتتىڭ كەز كەلگەن مۇشەسىنىڭ جۇمىسىنا مەملەكەت باسشىسى باعا بەرەتىندىگىن اتاپ ءوتتى.

«ۇكىمەتتىڭ ءاربىر مۇشەسىنە قاتىستى كەز كەلگەن ماسەلە مەملەكەت باسشىسىنا بايلانىستى. سوندىقتان جۇمىس قالاي باعالانسا، سولاي شەشىم قابىلداناتىن بولادى»، - دەدى الەكسەي سوي.

اۆتور: مارلان جيەمباي

سوڭعى جاڭالىقتار