+7 (701) 759 90 19
27 °С : نۇر-سۇلتان
33 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

داريعا نازاربايەۆا بالاباقشالارعا قاتىستى پرەمەر- ءمينيستردىڭ اتىنا ساۋال جولدادى

16 ماۋسىم 14:02
:ءبولىسۋ
داريعا نازاربايەۆا بالاباقشالارعا قاتىستى پرەمەر- ءمينيستردىڭ اتىنا ساۋال جولدادى

نۇر- سۇلتان. قازاقپارات - پارلامەنت ءماجىلىسىنىڭ جالپى وتىرىسىندا دەپۋتات داريعا نازاربايەۆا جەكەمەنشىك بالاباقشالار مۇعالىمدەرىنىڭ جالاقىسى ماسەلەسىن كوتەرىپ، ۇكىمەت باسشىسى اسقار ءماميننىڭ اتىنا ساۋال جولدادى، دەپ حابارلايدى قازاقپارات ءتىلشىسى.

«جەكەمەنشىك بالاباقشالار مۇعالىمدەرىنىڭ جالاقى دەڭگەيىنە بايلانىستى تاعى دا سىزگە جۇگىنۋدەمىن. اعىمداعى جىلدىڭ 10 -اقپانىندا قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى جەكەمەنشىك مەكتەپكە دەيىنگى ءبىلىم بەرۋ ۇيىمدارىندا مەملەكەتتىك ءبىلىم بەرۋ تاپسىرىسىن ىسكە اسىرۋ، اتاپ ايتقاندا، ولاردى قارجىلاندىرۋدىڭ جەتكىلىكسىزدىگىنە قاتىستى ماسەلە كوتەردى. ءسىزدىڭ دەپۋتاتتىق ساۋالعا بەرگەن جاۋابىڭىزعا سايكەس، قازاقستان رەسپۋبليكاسىنىڭ ۇكىمەتى جەكەمەنشىك مەكتەپكە دەيىنگى ءبىلىم بەرۋ ۇيىمدارىن قولداۋ ءۇشىن: سالىق تولەۋدەن بوساتۋ، جالاقىعا ۇستەماقى تولەۋ سياقتى ءتيىمدى شارالار قابىلدادى»، - دەپ توقتالدى د. نازاربايەۆا.

ونىڭ سوزىنە قاراعاندا، جەرگىلىكتى بيۋدجەت قاراجاتىنىڭ جەتكىلىكسىزدىگى ماسەلەسى بار وبلىستاردىڭ اكىمدىكتەرى بيىلعى رەسپۋبليكالىق بيۋدجەتتەن قوسىمشا قاراجات بولۋگە بيۋدجەتتىك وتىنىمدەر جىبەردى. الايدا رەسپۋبليكالىق بيۋدجەتتەن ءتيىستى اعىمداعى نىسانالى ترانسفەرتتەر بولىنگەن جوق.

«جوعارىدا ايتىلعانداردىڭ نەگىزىندە كەلەسى سۇراقتارعا جاۋاپ بەرۋىڭىزدى سۇرايمىن، ياعني نەلىكتەن بۇل قارجىلاندىرۋ 2021 -جىلعا ارنالعان رەسپۋبليكالىق بيۋدجەتتى ناقتىلاۋ كەزىندە ەسكەرىلمەدى؟ اعىمداعى قارجى جىلىندا تۇركىستان جانە الماتى وبلىستارىنا قوسىمشا قاراجات ءبولۋ كوزدەلىپ وتىر ما؟ وبلىستىق، رەسپۋبليكالىق ماڭىزى بار قالالار، استانا بيۋدجەتتەرىنىڭ مەكتەپكە دەيىنگى ءبىلىم بەرۋ ۇيىمدارىن جان باسىنا نورماتيۆتىك قارجىلاندىرۋ ءۇشىن اعىمداعى نىسانالى ترانسفەرتتەرگە قاجەتتىلىگىنىڭ تۇراقتى مونيتورينگى جۇزەگە اسىرىلادى ما؟»، - دەپ سۇرادى دەپۋتات.

اۆتور: رۋسلان عابباسوۆ



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات