+7 (701) 759 90 19
22 °С : نۇر-سۇلتان
27 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

قازاقستاننىڭ قورىندا قانشا التىن مەن ۆاليۋتا بار؟

16 ماۋسىم 13:04
:ءبولىسۋ
قازاقستاننىڭ قورىندا قانشا التىن مەن ۆاليۋتا بار؟

نۇر- سۇلتان. قازاقپارات - ءبىر جىل ىشىندە قازاقستاننىڭ جالپى حالىقارالىق قورى 12 پايىزعا ارتتى.

بيىل ءساۋىردىڭ سوڭىنداعى جاعداي بويىنشا قازاقستاننىڭ جالپى حالىقارالىق قورى بىلتىرعىمەن سالىستىرعاندا 11,9 پايىزعا ارتىپ، 34,2 ميلليارد دوللار بولعان.

ءبىر اي ىشىندە بۇل سوما ەكى پايىزعا ارتتى. بىلتىرعىمەن سالىستىرعاندا بۇل كورسەتكىش 9,4 پايىزعا ارتىپ، اقشالاي تۇردە 22,8 ميلليارد دوللار بولدى. 2015 -جىلدان بەرى ۇلتتىق بانك التىن ساتىپ الۋعا باعىت جاسادى. قازىر ەلدىڭ رەزەرۆىندەگى التىننىڭ ۇلەسى 66,5 پايىزعا جەتتى، ال بەس جىل بۇرىن ول تەك 32,3 پايىز بولعان. ۇلتتىق بانك تاراپىنان التىنعا دەگەن سۇرانىس بىرەگەيلىگىنە بايلانىستى ەكەنى كورسەتىلگەن.

جالپى التىن ستراتەگيالىق اكتيۆ سانالادى. ويتكەنى ول ينۆەستيتسيا، رەزەرۆتىك اكتيۆ جانە ءساندى زات سانالادى. سونىمەن قاتار تەحنولوگيالىق سەكتوردا قولدانىلادى. ول ءوتىمدى، نەسيەلىك تاۋەكەلگە ۇشىرامايدى، تاپشى جانە قۇندىلىعىن ساقتايدى.

التىن- ۆاليۋتا رەزەرۆىندەگى (اۆر) التىننىڭ ۇلەسى الەمنىڭ دامىعان ەلدەرى ءۇشىن كەڭ تارالعان. مىسالى، بيىل ناۋرىزدىڭ سوڭىنداعى جاعداي بويىنشا التىن قورىنىڭ ەڭ كوپ ۇلەسى بويىنشا الەمنىڭ ۇزدىك 10 ەلىنىڭ قاتارىنا 7 دامىعان ەل كىردى. اۆر- داعى التىننىڭ ۇلەسى پورتۋگاليادا 77,8 پايىز، ا ق ش- تا - 77,6 پايىز، گەرمانيادا - 74,2 پايىز، يتاليادا - 69 پايىز، كيپردە - 66,8 پايىز، نيدەرلاندىدا-66,8 پايىز، فرانسيادا - 64,3 پايىز بولعان.

قازاقستان ءوز كەزەگىندە ۇزدىك وندىقتا توعىزىنشى ورىنعا يە بولدى. ۇلتتىق بانك 2021 -جىلدىڭ ءبىرىنشى توقسانىندا سەگىز توننا التىن ساتىپ الدى. بىلتىر ءساۋىردىڭ باسىندا قازاقستان قورىندا 395,8 توننا التىن بولدى. بۇل رەتتە سوڭعى ون جىلدا ۇلتتىق بانك 320,5 توننا تازا التىن ساتىپ العان. وسىلايشا، ۋاقتىلى ءىس- قيمىل جاساۋ جانە التىن پورتفەلىنىڭ ارقاسىندا قازاقستانداعى اۆر كولەمى داعدارىس كەزەڭىندە ساقتالىپ قانا قويماي، ايتارلىقتاي ارتقان.

التىننىڭ باسپانا اكتيۆى رەتىندەگى ءداستۇرلى ءرولى ونىڭ جوعارى قاۋىپتى كەزەڭدەردە كۇشىنە ەنەتىنىن بىلدىرەدى. التىن ينۆەستيتسيا جانە تۇتىنۋ ءونىمى رەتىندە ەكى ەسە پايدا اكەلەدى.

www.24.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات