بيزنەستى زاڭسىز تەكسەرمەك بولعان مەملەكەتتىك ورگاندار جاۋاپقا تارتىلدى
مەملەكەت باسشىسى قاسىم- جومارت توقايەۆ حالىققا جولداۋىندا كاسىپكەرلەر قىزمەتىنە زاڭسىز ارالاسۋعا جول بەرىلمەيتىندىگىن اتاپ وتكەن بولاتىن. 2020 -جىلدىڭ 1-قاڭتارىنان باستاپ پرەزيدەنتتىڭ بيزنەستى تەكسەرۋگە موراتوري جاريالاۋ تۋرالى جارلىعى كۇشىنە ەندى.
ش ق و پروكۋراتۋراسىنىڭ مالىمەتىنشە، اتالعان جارلىق تالاپتارىنىڭ ساقتالۋى ەرەكشە باقىلاۋدا. زاڭسىز تەكسەرۋلەردى انىقتاۋعا جانە ونىڭ الدىن الۋ ماقساتىندا ءبىرقاتار شارالار قولعا الىنعان.
«جىل باسىنان بەرى قۇزىرلى ورگانداردىڭ تەكسەرۋ كەستەسىنەن 2 شاعىن كاسىپكەرلىك سۋبەكتىسى الىنىپ تاستالدى. مىسالى، گلۋبوكوە اۋداندىق سانيتاريالىق- ەپيدەميولوگيالىق باقىلاۋ باسقارماسى «نەفريت 13» ج ش س جۇمىسىن زاڭسىز تەكسەرمەك بولعان. سونداي- اق وسكەمەن قالاسىنىڭ ت ج باسقارماسى جەكەمەنشىك «ازامات» بالاباقشاسىن تەكسەرۋدى كوزدەگەن. پروكۋراتۋرانىڭ قاداعالاۋ اكتىلەرى بويىنشا اتالعان مەكەمەلەر تەكسەرۋ تىزىمىنەن شىعارىلىپ، زاڭسىزدىققا جول بەرگەن لاۋازىمدى تۇلعالار جاۋاپقا تارتىلدى»، - دەلىنگەن اقپاراتتا.
وتكەن جىلى وڭىردەگى سانيتاريالىق- ەپيدەميولوگيالىق باقىلاۋ ورگاندارىنىڭ 91 تەكسەرۋى زاڭسىز دەپ تانىلعان.
ايتا كەتەيىك، بيزنەستىڭ قۇقىقتارى مەن مۇددەلەرىن قورعاۋ ماقساتىندا پروكۋراتۋرانىڭ ءموبيلدى توپتارى جۇمىس ىستەۋدە.