+7 (701) 759 90 19
22 °С : نۇر-سۇلتان
27 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

تاعى ءبىر قازاقستاندىق ۆاكسينا كلينيكالىق سىناقتان وتە باستادى

15 ماۋسىم 20:58
:ءبولىسۋ
تاعى ءبىر قازاقستاندىق ۆاكسينا كلينيكالىق سىناقتان وتە باستادى

نۇر-سۇلتان. قازاقپارات - تاراز قالاسىنداعى كوپبەيىندى قالالىق اۋرۋحانادا 18-50 جاس ارالىعىنداعى ەرىكتىلەردىڭ قاتىسۋىمەن QazCoVac-P سۋببىرلىكتى ۆاكسيناسىنىڭ كلينيكالىق سىناعى باستالدى، دەپ حابارلايدى قازاقپارات ءتىلشىسى.

بۇل تۋرالى بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتىنىڭ رەسمي سايتى جازدى.

«دەنساۋلىق ساقتاۋ مينيسترلىگى SARS- CoV-2 ۆيرۋسىنىڭ جاساندى سينتەزدەلگەن اقۋىزدارى نەگىزىندە جاسالعان QazCoVac-P سۋببىرلىكتى ۆاكسيناسىن I جانە II فازادا كلينيكالىق زەرتتەۋ جۇرگىزۋگە رۇقسات بەردى. بۇل - ب ق پ ع ز ي- دىڭ دەنساۋلىق ساقتاۋ مينيسترلىگىنىڭ مامانداندىرىلعان كاسىپورنىندا كلينيكاعا دەيىنگى سىناقتان ءساتتى وتكەن جانە ءوزىنىڭ قاۋىپسىزدىگىن كورسەتكەن ەكىنشى ۆاكسيناسى» دەپ جازىلعان رەسمي اقپاراتتا.

سايتتىڭ جازۋىنشا، ۆاكتسينا جاساۋعا قاتىسقان ماماندار مولەكۋلالىق بيولوگيانىڭ زاماناۋي تەحنولوگيالارىن پايدالانا وتىرىپ، SARS- CoV-2 ۆيرۋسىنىڭ RBD جانە N اقۋىزدارى شىعاراتىن يممۋندىق جۇيەگە تانىس باكتەريالاردىڭ شتامدارىن العان. ۆاكسينانىڭ ادام اعزاسىنا تۇسكەندە كەرى اسەرى بولماس ءۇشىن الىنعان اقۋىزدار كۇردەلى تاسىلدەرمەن تازارتىلىپ، ساپا باقىلاۋىنان وتكەن كورىنەدى.

ياعني، ۆاكتسينا قۇرامىندا باكتەريالىق شتامم بولعانىمەن، ۆيرۋستىڭ ءوزى جوق.

«ۆاكسينا ەگىلگەن زەرتحانا جانۋارلارىنىڭ بۇلشىق ەتىنە ەكىنشى دوزانى ەنگىزگەننەن كەيىن يممۋنيتەتتى 14 تاۋلىككە ىنتالاندىرادى. سۋببىرلىكتى ۆاكسينالار دا يناكتيۆتى ۆاكسينا سياقتى، قۇرامىندا ءتىرى پاتوگەندى كومپونەنت جوق جانە وتە قاۋىپسىز. ۆاكسينانىڭ قۇرامىنداعى اديۋۆانت ۆاكسيناتسيالانۋشىنىڭ اعزاسىنا تەرىس اسەر ەتپەي، يممۋندىق جاۋاپتى ءتيىمدى ىنتالاندىرادى. بۇل ۆاكسينانىڭ قۇرامىنا تەك قاجەتتى انتيگەندەر كىرەدى جانە ۆيرۋستىڭ باسقا كومپونەنتتەرى كىرمەيدى. وسىنىڭ ارقاسنىدا جاناما اسەرلەر از كەزدەسەدى. مىسالى، تۇماۋعا، ۆ گەپاتيتى مەن پنيەۆموكوكك، مەنينگوكوكك جانە گەموفيلدى ينفەكسيالارعا قارسى وسى تيپتەگى ۆاكسينالار ەگىلەدى» دەپ جازادى ينستيتۋت سايتى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات