18:31, 15 - ماۋسىم 2021 | GMT +6
نۇر-سۇلتاندا شىعارىپ سالۋشىلار مەن كۇتىپ الۋشىلار ۆوكزالعا كىرە الا ما؟
نۇر-سۇلتان. قازاقپارات - ەلوردانىڭ «نۇرلى جول» ۆوكزالىنا جولاۋشىلاردى شىعارىپ سالۋشىلار مەن كۇتىپ الۋشىلار كىرە الا ما؟
بۇل سۇراققا ۆوكزال مەنەجەرى باتىرحان ابدىكارىم جاۋاپ بەردى، دەپ حابارلايدى قازاقپارات ءتىلشىسى.
«ۆوكزالعا Ashyq جوباسى ارقىلى مارتەبەسىن انىقتاعان كەز كەلگەن ازامات كىرە الادى. جولاۋشىلارمەن قاتار، شىعارىپ سالۋشىلار مەن كۇتىپ الۋشى ازاماتتاردىڭ بارلىعىن تەك قانا Ashyq جوباسى ارقىلى قابىلدايتىن بولامىز»، - دەدى باتىرحان ابدىكارىم.
ايتا كەتسەك، Ashyq جوباسى تۇستەرگە سايكەس جۇمىس ىستەيدى.
«قىزىل» جانە «سارى» ءتۇستى كورسەتكەن ادامداردىڭ ۆوكزالعا كىرۋىنە رۇقسات جوق. بۇعان دەيىن «نۇرلى جول» ۆوكزالىنىڭ وكىلى 17- ماۋسىمدا ىسكە قوسىلاتىن Ashyq جوباسىنىڭ قالاي جۇزەگە اساتىنىن ايتىپ بەرگەن بولاتىن.