+7 (701) 759 90 19
28 °С : نۇر-سۇلتان
°С : الماتى
USD 424.99 EUR 504.21
RUB 5.81 CNY 65.66
جاڭالىقتار

الداعى ۋاقىتتا سىرتتان قارىز الۋدى دوعارامىز - ەرۇلان جاماۋبايەۆ

15 ماۋسىم 18:15
:ءبولىسۋ
الداعى ۋاقىتتا سىرتتان قارىز الۋدى دوعارامىز - ەرۇلان جاماۋبايەۆ

نۇر-سۇلتان. قازاقپارات - قازاقستان الداعى ۋاقىتتا سىرتتان قارىز الۋدى دوعارادى.

بۇل تۋرالى ق ر قارجى ءمينيسترى ەرۇلان جاماۋبايەۆ ايتتى، دەپ حابارلايدى قازاقپارات ءتىلشىسى.

«قازاقستاننىڭ دامۋ تاريحىندا ءبىر ەمەس بىرنەشە داعدارىس بولدى. اتاپ ايتار بولساق، 1999-جىلعى داعدارىس، ودان كەيىن 2007-جىلى امەريكاداعى يپوتەكالىق قارىزدان باستاپ، دۇنيەجۇزىنە تاراپ قازاقستانعا جەتكەن داعدارىس، 2014-2015-جىلدارداعى مۇنايدىڭ كۇرت قۇلدىراۋىنان تۋىنداعان داعدارىس بار. ال 2020-جىلى جەتكەن جاي داعدارىس ەمەس. ول كوروناۆيرۋسپەن قاباتتاسقان وتە كۇردەلى داعدارىس بولدى»، - دەدى مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، وتكەن جىلعى داعدارىستىڭ حالىققا دا، كاسىپكەرلەرگە دە اۋىر تيۋىنە بايلانىستى ەلىمىز سىرتتان قارىز الدى.

«ءبىراق، الىنعان قارىزدىڭ كولەمى قاۋىپسىزدىك دەڭگەيىندە ساقتالىپ تۇر دەپ ايتۋعا بولادى. جالپى، شەتەلدەن الىنعان قارىزداردىڭ باسىم بولىگى كاسىپكەرلەردىڭ، ياعني شەتەلدىك كومپانيالاردىڭ وسى جەردەگى ەنشىلەس كومپانيالارى اراسىندا قالىپتاسقان قارىز. الداعى ۋاقىتتا مۇمكىندىگىنشە سىرتتان قارىز الۋدى دوعارىپ، ەكونوميكانىڭ مۇنايعا بايلانىستى سالالارىن ءارتاراپتاندىرىپ، دامىتىپ، سولاردان تۇسەتىن سالىق ەسەبىنەن جاعدايدى تۇزۋگە تولىق مۇمكىندىگىمىز بار دەۋگە بولادى»، - دەدى ەرلان جاماۋبايەۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات