تۇركىستان وبلىسىندا كولىگىنە مايمىل سالىپ جۇرگەن ازامات جاۋاپقا تارتىلۋى مۇمكىن

None
None
تۇركىستان. قازاقپارات - تۇركىستان وبلىسىندا كولگىنە مايمىل سالىپ الىپ جۇرگەن ازامات جاۋاپقا تارتىلۋى مۇمكىن، دەپ حابارلايدى قازاقپارات تۇركىستان وبلىسىنىڭ پوليتسيا دەپارتامەنتىنە سىلتەمە جاساپ.

«تۇركىستان وبلىسىنىڭ پوليتسەيلەرى قوعامدىق قاۋىپسىزدىكتى قامتاماسىز ەتۋدەن بولەك، الەۋمەتتىك جەلىلەرگە دە تەكسەرۋلەر جۇرگىزىپ، ءتيىستى جۇمىستاردى اتقارىپ كەلەدى. ماسەلەن الەۋمەتتىك جەلىگە مونيتورينگ جۇرگىزۋ كەزىندە پوليتسەيلەر، «Instagram» پاراقشالارىنىڭ بىرىندە جول جيەگىندە مايمىلدىڭ ەلەكتر باعاناسىنىڭ (ستولبا) ۇستىنە شىعىپ كەتىپ، تۇسە الماي تۇرعانى تۇسىرىلگەن بەينەجازبانى انىقتادى»، - دەلىنگەن جازبادا.

بۇل بەينەجازبا بويىنشا سارىاعاش اۋداندىق پوليتسيا ءبولىمىنىڭ قىزمەتكەرلەرى بىردەن ءىستىڭ ءمان- جايىن انىقتاۋعا كىرىسكەن. وقيعانىڭ سارى اعاش قالاسىنداعى كوشەلەردىڭ بىرىندە بولعانى انىقتالدى. مايمىلدىڭ يەسى سارى اعاش اۋدانىنىڭ تۇرعىنى بولىپ شىقتى.

ونىڭ ايتۋىنشا، ول اتالمىش جانۋاردى تاسىمالداپ بارا جاتقاندا، ول ابايسىزدا توردان شىعىپ كەتىپ، جاقىن ماڭداعى ەلەكتر باعانىنا ءمىنىپ العان. ال ونى باعاننان ءتۇسىرۋ ءۇشىن يەسى پنيەۆماتيكالىق قارۋمەن بىرنەشە رەت اۋاعا وق اتقان. سودان سوڭ مايمىلدى ۇستاپ، قايتا تورىنا سالىپ، الىپ كەتكەن.

«ماكاكا» تۇقىمدى مايمىلدى جەرگىلىكتى تۇرعىن وزبەكستان رەسپۋبليكاسىنان ساتىپ العان، ودان كەيىن سارى اعاش اۋدانىندا قايتا ساتۋ ءۇشىن الىپ كەتىپ بارا جاتقانى انىقتالدى. قازىرگى تاڭدا سارى اعاش ا پ ب قىزمەتكەرلەرى مايمىلدىڭ يەسىنىڭ جاساعان ءىس- ارەكەتى بويىنشا جاعدايدى زەردەلەپ، ءتيىستى قۇجاتتارىن تەكسەرىپ، اكىمشىلىك جاۋاپكەرشىلىگىن قاراۋ ۇستىندە.

سوڭعى جاڭالىقتار