كاسىپتىك- تەحنيكالىق كوللەدجدەرگە قانداي كۆوتا بويىنشا وقۋعا تۇسۋگە بولادى

None
None
نۇر- سۇلتان. قازاقپارات - تەحنيكالىق جانە كاسىپتىك ءبىلىم بەرۋ ۇيىمدارىنا وقۋعا ءتۇسۋ كەزىندە 9 سانات بويىنشا كۆوتالار قاراستىرىلعان.

نۇر- سۇلتان قالاسى ءبىلىم بەرۋ باسقارماسى باسشىسىنىڭ ورىنباسارى ريمما يمانعازينوۆا اتالعان ساناتتاردىڭ ءتىزىمىن اتادى، دەپ حابارلايدى قازاقپارات ءتىلشىسى.

«تەحنيكالىق جانە كاسىپتىك ءبىلىم بەرۋ ۇيىمدارىنا وقۋعا ءتۇسۋ كەزىندە 9 سانات بويىنشا كۆوتالار قاراستىرىلعان. ولار: 1 جانە Ⅱتوپ مۇگەدەكتەرى، مۇگەدەك- بالالار جانە ونى تاربيەلەۋشى وتباسىلار، اۋىل جاستارى، جەتىم بالالار، كوپبالالى، از قامتىلعان جانە تولىمسىز وتباسىلاردىڭ بالالارى، «قانداس» ساناتى. بارلىق كۆوتالار بويىنشا «تالاپكەر» مارتەبەسىن راستايتىن قۇجاتتار بولۋى ءتيىس»، - دەدى ول.

ريمما يمانعازينوۆا كوللەدجدەرگە قۇجات قابىلداۋ مەرزىمى 9 جانە 11 - سىنىپ تۇلەكتەرى ءۇشىن ءار ءتۇرلى ەكەنىن ەسكەرتتى.

«9-سىنىپ تۇلەكتەرى ءۇشىن ماماندىقتار مەن كوللەدجدەر بويىنشا تالاپكەرلەردى سارالاۋ 23 - تامىزعا دەيىن جانە 11 -سىنىپ تۇلەكتەرى ءۇشىن 25 -تامىزعا دەيىن جۇرگىزىلەدى. كونكۋرس قورىتىندىسى بويىنشا ماماندىقتار مەن كوللەدجدەرگە تۇسكەندەردىڭ ءتىزىمى باسقارمانىڭ رەسمي ينتەرنەت رەسۋرستارىندا جاريالانىپ، اقپاراتتىق جۇيە ارقىلى حابارلانادى. ەگەر تالاپكەردىڭ تالاپتارى بولسا، ول ءاردايىم ءوزى تاڭداعان كوللەدجگە جۇگىنە الادى»، - دەدى باسقارما وكىلى.

اۆتور: ەسىمجان ناقتىباي

سوڭعى جاڭالىقتار