ەلوردا كوللەدجدەرى قانداي ماماندىقتار بويىنشا تەگىن ءبىلىم بەرەدى

None
None
نۇر- سۇلتان. قازاقپارات - نۇر- سۇلتان قالاسى ءبىلىم باسقارماسى باسشىسىنىڭ ورىنباسارى ريمما يمانعازينوۆا استانالىق كوللەدجدەردە كاسىپتىك- تەحنيكالىق ءبىلىم گرانتتارى قانداي ماماندىقتارعا بولىنگەنىن اتادى، دەپ حابارلايدى قازاقپارات ءتىلشىسى.

ونىڭ ايتۋىنشا، ەلوردانىڭ تەحنيكالىق جانە كاسىپتىك ءبىلىم بەرۋ جۇيەسىندە 26492 ستۋدەنتتى قامتيتىن 34 كوللەدج (9 مەملەكەتتىك، 25 جەكە مەنشىك) بار. بيىل سونىڭ 25- ءى مەملەكەتتىك تاپسىرىس بويىنشا ماماندار دايارلاۋعا اتسالىسپاقشى.

«مامانداردى دايارلاۋ 77 ماماندىق جانە 122 بىلىكتىلىك بويىنشا كەلەسى باعىتتاردا جۇرگىزىلەدى: سەرۆيس جانە قىزمەت كورسەتۋ، ءبىلىم بەرۋ، مەديتسينا، قۇرىلىس، كوممۋنالدىق شارۋاشىلىق، تەحنيكا، ەنەرگەتيكا جانە كولىك، ءوندىرىس، مونتاجداۋ، پايدالانۋ جانە جوندەۋ، بايلانىس، تەلەكوممۋنيكاتسيا جانە اقاپارتتىق تەحنولوگيالار»، - دەگەن باسقارما وكىلى بيىل قانداي ماماندىقتارعا باسىمدىق بەرىلەتىنىن اتادى.

«بارشاعا ارنالعان تەگىن كاسىپتىك- تەحنيكالىق ءبىلىم بەرۋ جوباسى شەڭبەرىندە 2021-22 وقۋ جىلىنا مەملەكەتتىك ءبىلىم بەرۋ تاپسىرىسى 15 باعىت بويىنشا جانە 4752 ورىنعا 49 قاجەتتى ماماندىق بويىنشا قالىپتاستىرىلدى. ونىڭ ىشىندە 1050 ورىن «ەڭبەك» باعدارلاماسى اياسىندا جۇمىسشى بىلىكتىلىكتەرى بويىنشا تەگىن بەرىلەدى. بىلتىرعىمەن سالىستىرعاندا، مەملەكەتتىك تاپسىرىس 100 ورىنعا كوبەيتىلدى. مەكتەپتەر مەن بالاباقشالار سانىنىڭ ۇلعايۋىنا، سونداي- اق، اقپاراتتىق تەحنولوگيالار سالاسىنىڭ دامۋىنا بايلانىستى ەلوردادا ءبىلىم بەرۋ جانە اقپاراتتىق تەحنولوگيالار، سەرۆيس جانە قىزمەت كوسرەتۋ، قۇرىلىس، كوممۋنالدىق شارۋاشىلىق سالاسىنداعى جۇمىسشى كادرلارعا قاجەتتىلىك وسۋدە. وسىعان بايلانىستى بيىل اتالمىش قىزمەت سالالارىنا كادرلار دايارلاۋعا ارنالعان ورىندار سانى ارتتى. 2021 -جىلى تەحنيكالىق جانە كاسىپتىك ءبىلىم بەرۋ كادرلارىن دايارلاۋ بويىنشا مەملەكەتتىك تاپسىرىسقا قاتىسۋ ءۇشىن 25 كوللەدج (9 مەملەكەتى، 16 جەكە مەنشىك) ءوتىنىم بەردى»، - دەدى ريمما يمانعازينوۆا.

سونداي- اق، ول 20 -ماۋسمىعا دەيىن وڭىرلىك كوميسسيانىڭ شەشىمىمەن مەملەكەتتىك تاپسىرىسپەن جۇمىس ىستەيتىن كوللەدجدەردىڭ ناقتى ءتىزىمى بەكىتىلەتىنىن ءمالىم ەتتى.

اۆتور: ەسىمجان ناقتىباي

سوڭعى جاڭالىقتار