سولتۇستىككە كوشىپ كەلگەندەرگە ارنالعان ءۇيدىڭ ساپاسىنا بايلانىسى ەكى اۋدان اكىمى قىزمەتىنەن كەتتى

None
None
نۇر- سۇلتان. قازاقپارات - قازاقستاننىڭ سولتۇستىك وڭىرلەرىنە كوشىپ كەلۋشىلەرگە ارناپ سالىنعان، ۇيلەردىڭ ساپاسىنىڭ ناشارلىعىنا بالانىستى سولتۇستىك قازاقستان وبلىسىنىڭ ايىرتاۋ جانە ەسىل اۋداندارىنىڭ اكىمدەرى قىزمەتىنەن بوساتىلدى، دەپ حابارلايدى قازاقپارات.

بۇل تۋرالى ءوزىنىڭ Facebook پاراقشاسىندا ق ر پرەزيدەنتىنىڭ باسپا ءسوز حاتشىسى بەرىك ءۋالي جازدى.

«مەملەكەت باسشىسى بيىلعى 24 -مامىردا «كازاحستانسكايا پراۆدا» گازەتىندە جاريالانعان «زالوجنيكي راۆنودۋشيا» اتتى ماقالادا كوتەرىلگەن ماسەلە بويىنشا تەكسەرۋ جۇمىستارىن جۇرگىزۋگە تاپسىرما بەرگەن ەدى. ماقالادا سولتۇستىك قازاقستان وبلىسىنا وڭتۇستىك وڭىرلەردەن كوشىپ كەلۋشىلەرگە ارناپ سالىنعان تۇرعىن ءۇي ساپاسىنىڭ ناشارلىعى تۋرالى ءسوز بولعان. جۇرگىزىلگەن تەكسەرۋلەردىڭ قورىتىندىسى بويىنشا ماقالادا كەلتىرىلگەن دەرەكتەر راستالدى.

ۇكىمەت پەن وبلىس اكىمدىگى انىقتالعان كەمشىلىكتەردى جويۋ جۇمىستارىمەن اينالىسۋدا. اتالعان باعىتتاعى ۇيىمداستىرۋ جۇمىستارىندا ولقىلىقتارعا جول بەرگەنى ءۇشىن سولتۇستىك قازاقستان وبلىسى ايىرتاۋ جانە ەسىل اۋداندارىنىڭ اكىمدەرى قىزمەتتەرىنەن بوساتىلدى. وبلىس اكىمىنىڭ ورىنباسارى، جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ جونىندەگى وبلىستىق باسقارمانىڭ باسشىسى، سونداي- اق، بەس اۋداننىڭ اكىمدەرى تارتىپتىك جاۋاپقا تارتىلدى»، - دەلىنگەن حابارلامادا.

سوڭعى جاڭالىقتار