اسقار مامين قۇرىلىس قالدىقتارىنا ارنالعان پوليگوندار سالۋدى تاپسىردى

None
None
نۇر- سۇلتان. قازاقپارات – ق ر پرەمەر- ءمينيسترى اسقار مامين قۇرىلىس قالدىقتارىنا ارنالعان پوليگوندار سالۋدى تاپسىردى، دەپ حابارلايدى قازاقپارات ءتىلشىسى.

«وڭىرلەردە رۇقساتسىز قوقىس ۇيىندىلەرىنىڭ، سونىڭ ىشىندە، قۇرىلىس قوقىستارىنىڭ پايدا بولۋ سەبەپتەرىنىڭ ءبىرى - ەلدە قۇرىلىس پوليگوندارىنىڭ بولماۋى جانە جالپى پوليگونداردىڭ تالاپتارعا سايكەس كەلمەۋى بولىپ وتىر. يندۋستريا مينيسترلىگىنە ەكولوگيا جانە قارجى مينيسترلىكتەرىمەن بىرلەسىپ، تۇرمىستىق قاتتى قالدىقتارعا ارنالعان پوليگوننىڭ ۇلگىلىك جوباسىن ازىرلەۋدى تاپسىرامىن. ال اكىمدىكتەرمەن بىرلەسىپ، قولدانىستاعى زاڭنامانىڭ جاڭا تالاپتارىنا سايكەس، قۇرىلىس پوليگوندارىن سالۋ ماسەلەسىن پىسىقتاسىن»، - دەدى اسقار مامين ۇكىمەتتىڭ بۇگىنگى وتىرىسىندا.

سونىمەن بىرگە، پرەمەر- مينيستر كارىز- تازارتۋ قۇرىلىستارى ماسەلەسى دە وزەكتى ەكەنىن، ولاردىڭ سانيتاريالىق- ەكولوگيالىق تالاپتارعا سايكەس كەلمەيتىنىن ايتتى. سوندىقتان يندۋستريا مينيسترلىگىنە اكىمدىكتەرمەن بىرلەسىپ، وسى باعىتتاعى جۇمىستى جانداندىرۋدى تاپسىرامىن.

«اكىمدىكتەر بيىلعى اعاش وتىرعىزۋ جوسپارلارىن ورىنداسىن. جالپى كوگالداندىرۋ، وتىرعىزىلاتىن اعاشتاردىڭ ءارى قاراي ءوسىپ كەتۋى اكىمدىكتەردىڭ تۇراقتى باقىلاۋىندا بولۋى كەرەك. سونداي- اق، وتىرعىزۋ ماتەريالىن ءوسىرۋ ءۇشىن ءتالىمباقتار مەن ورمان شارۋاشىلىقتارىنىڭ جاي- كۇيىنە نازار اۋدارىلسىن»، - دەپ تاپسىما بەردى اسقار مامين.

سوڭعى جاڭالىقتار