ەلەكتر كولىگىن كوبەيتۋدى ىنتالاندىرۋ كەرەك - اسقار مامين

None
None
نۇر- سۇلتان. قازاقپارات – ق ر پرەمەر- ءمينيسترى اسقار مامين ەلەكتر كولىگىنىڭ كوبەيۋىن ىنتالاندىرۋ جۇمىستارىن جالعاستىرۋدى تاپسىردى، دەپ حابارلايدى قازاقپارات ءتىلشىسى.

«ەكولوگيالىق قاۋىپسىزدىك جانە شىعارىندىلاردى ازايتۋ الەمنىڭ كوپتەگەن ەلدەرىنىڭ الەمدىك جانە ىشكى ساياساتىنىڭ ماڭىزدى ەلەمەنتى بولىپ سانالادى. الەمنىڭ جەتەكشى ەلدەرى 2050-2060 -جىلدارعا قاراي پارنيكتىك گازدار شىعارىندىسىنىڭ نولدىك دەڭگەيىنە قول جەتكىزۋ ماقساتىن قويىپ وتىر. مەملەكەت باسشىسى قاسىم- جومارت كەمەل ۇلى توقايەۆ ەكولوگيالىق احۋالدى جاقسارتۋ ماسەلەسىن باسىم مىندەتتەردىڭ ءبىرى ەكەنىن بەلگىلەدى»، - دەپ اتاپ ءوتتى پرەمەر- مينيستر ۇكىمەتتىڭ بۇگىنگى وتىرىسىندا.

سونىمەن بىرگە «Nur Otan» پارتياسىنىڭ باعدارلاماسىن ورىنداۋ اياسىندا 2 ميلليارد اعاش وتىرعىزۋ جۇمىستارى جانە ەلدىڭ سولتۇستىك وڭىرلەرىن گازداندىرۋ جۇرگىزىلۋدە، قوقىس وڭدەيتىن 6 زاۋىت سالىناتىن بولدى.

«اتموسفەرانىڭ لاستانۋىنداعى ماسەلەلەرىنىڭ ءبىرى - اۆتوكولىك قۇرالدارى شىعاراتىن گاز. قوعامدىق كولىك گازعا كوشىرىلىپ جاتىر. اۆتوپاركتى جاڭارتۋ بويىنشا كەشەندى شارالاردى ودان ءارى ىسكە اسىرۋ، وتىن ساپاسى مەن شىعارىندىلار مولشەرىن باقىلاۋدى كۇشەيتۋ قاجەت. ەلەكتر كولىگىنىڭ كوبەيۋىن ىنتالاندىرۋ جۇمىسىن جالعاستىرۋ كەرەك، مىسالى، جۋىردا ەلەكتروموبيلدەردى كادەگە جاراتۋ الىمى جويىلدى. ەكولوگيالىق تۇرعىدان ءتيىمدى جۇمىس ىستەمەيتىن كاسىپورىندار مەن جىلۋ ەلەكتر ورتالىقتارىنىڭ شىعارىندىلارى كولەمىن ازايتۋ قاجەت»، - دەدى اسقار مامين.

ۇكىمەت باسشىسىنىڭ ايتۋىنشا، 2025 -جىلعا قاراي قابىلدانىپ جاتقان شارالار 10 قالادا اتموسفەرانىڭ لاستانۋ يندەكسىن جوعارى دەڭگەيدەن ورتاشا دەڭگەيگە دەيىن تومەندەتۋگە جانە جالپى اۋا ساپاسىن جاقسارتۋعا مۇمكىندىك بەرەدى.

سوڭعى جاڭالىقتار