د س م مەن اكىمدىكتەر ەپيدەميولوگيالىق جاعدايدى باقىلاۋدا ۇستاۋى قاجەت - اسقار مامين

نۇر- سۇلتان. قازاقپارات - دەنساۋلىق ساقتاۋ مينيسترلىگى مەن اكىمدىكتەر ەپيدەميولوگيالىق جاعدايدى باقىلاۋدا ۇستاۋى قاجەت.

بۇل تۋرالى ۇكىمەت وتىرىسىندا ق ر پرەمەر- ءمينيسترى اسقار مامين ايتتى، دەپ حابارلايدى قازاقپارات ءتىلشىسى.

«جالپى سانيتاريالىق- ەپيدەميولوگيالىق جاعداي جاقسارىپ كەلەدى. ۆيرۋستىڭ رەپرودۋكتيۆتىلىك يندەكسى - 0,9. اۋرۋحانالار مەن جانساقتاۋ بولىمدەرىندە ادامداردىڭ سانى ازايىپ كەلەدى. «قىزىل» ايماقتا ەلوردا عانا قالدى. جالپى 13 ءوڭىر، ياعني باسىم بولىگى «جاسىل» ايماقتا، 3 ءوڭىر «سارى» ايماقتا»، - دەدى ۇكىمەت باسشىسى.

ونىڭ اتاپ وتۋىنشە، بۇگىنگى كۇنى 2,5 ميلليوننان استام ادام ۆاكتسينانىڭ ءبىرىنشى كومپونەنتىن جانە شامامەن 1,4 ميلليوننان استام ادام ەكىنشى كومپونەنتىن الدى.

«دەنساۋلىق ساقتاۋ مينيسترلىگى مەن اكىمدىكتەر ەپيدەميولوگيالىق جاعدايدى باقىلاۋدا ۇستاۋى قاجەت. نۇر- سۇلتان قالاسىنىڭ اكىمدىگى سانيتاريالىق- ەپيدەميولوگيالىق شارالاردىڭ ساقتالۋى مەن ۆاكسيناتسياعا ەرەكشە نازار اۋدارسىن. بەتپەردە رەجيمى ساقتالسىن، اسىرەسە، عيماراتتاردىڭ ىشىندە. مونيتورينگتىك توپتار جۇمىسىن جانداندىرسىن»، - دەدى اسقار مامين.