ۇيقىسىزدىق بەلسىزدىككە اكەلەدى - دارىگەر

None
None
نۇر-سۇلتان.قازاقپارات - كۇنىنە التى ساعاتتان از ۇيىقتايتىن ادامنىڭ قاتەرلى ىسىككە شالدىعۋ قاۋپى باسىم.

اسىرەسە ءتۇنىن ۇيقىعا ارناماعان ادامنىڭ جاعدايى قيىن. وسىلاي دەيدى تۇرىك دارىگەرى، ۇيقى مەن كەۋدە اۋرۋلارىنىڭ مامانى نەجات التىنتاش Cumhuriyet باسىلىمىنا بەرگەن سۇقباتىندا.

دارىگەردىڭ ايتۋىنشا، ادام كۇنىنە 6 ساعاتتان كوپ ۋاقىتىن ۇيقىعا ارناۋى ءتيىس. ال ودان از ۇيىقتاعان ادامنىڭ گورمون ءبولىنىسى بۇزىلىپ، ءتۇرلى سوزىلمالى اۋرۋلارعا اكەلۋى مۇمكىن.

«ادام ۇيىقتاعاندا بولىنەتىن ارنايى گورموندار بار. سولاردىڭ ءبىرى - ءوسۋ گورمونى. ەگەر بالادا ءوسۋ گورمونى جەتىسپەسە، دەنساۋلىعى ەرتە جاستان سىر بەرەدى. ال ەرەسەك ادامدا ءوسۋ گورمونى بۇزىلسا، سەمىزدىككە ۇشىرايدى»، - دەپ تۇسىندىرەدى دارىگەر.

التى ساعاتتان از ۇيىقتاعان ادامنىڭ گورمونعا تاۋەلدى قاتەرلى ىسىكتىڭ تۇرلەرىنە، كەۋدە ىسىگى مەن توق ىشەك ىسىگىنە، ۇيقى بەزىنىڭ قابىنۋىنا شالدىعۋى مۇمكىن.

«مەديتسينا ماماندارىنا مىنانداي ءبىر زەرتتەۋ جۇرگىزىلگەن. تۇندە جۇمىس ىستەيتىن، كەزەكشىلىككە شىعاتىن مەديتسينا ماماندارىنا تەكسەرىس جاسالعان ەدى. سوندا قاتەرلى ىسىككە شالدىققاندىڭ سانى 200 پايىز كوپ بولعانى بەلگىلى بولدى»، - دەيدى نەجات التىنتاش.

سونداي- اق، از ۇيىقتايتىن ەر ادامداردا تەستوستەرون گورمونى ازايىپ كەتەدى. سودان بەدەۋلىككە شالدىعۋى مۇمكىن ەكەن.

ۇيقىسىزدىق ادامدى تەز قارتايتىپ، التسگەيمەر اۋرۋنىڭ ەرتە پايدا بولۋىنا اكەلەدى.

massaget.kz


سوڭعى جاڭالىقتار