فۋتبولدان ەۋروپا چەمپيوناتى: يسپانيا مەن شۆەتسيا قۇرامالارى تەڭ ءتۇستى

None
None
نۇر- سۇلتان. قازاقپارات - فۋتبولدان ەۋروپا چەمپيوناتىنىڭ فينالدىق ساتىسىنداعى توپتىق كەزەڭدە يسپانيا مەن شۆەتسيا قۇرامالارى كەزدەستى، دەپ حابارلايدى قازاقپارات ءتىلشىسى.

اتالعان ەكى كوماندا ە توبىندا سىنعا تۇسەدى. قارسىلاستارى - سلوۆاكيا جانە پولشا قۇرامالارى. ەكى قۇراما بۇعان دەيىن 18 مارتە كەزدەسكەن. ونىڭ جەتەۋىندە يسپانيالىقتار جەڭىسكە جەتسە، تورتەۋىندە تەڭ ناتيجە تىركەلىپ، قالعانىندا شۆەتسيالىقتار باسىم ءتۇستى.

جانكۇيەرلەر اتالعان ويىندا قوس قارسىلاستىڭ قايسىسى جەڭەتىنىنە قىزىعۋشىلىق ءبىلدىردى. ەكەۋى دە كارىقۇرلىقتاعى بەدەلدى قۇرامالار قاتارىندا سانالادى. دەسە دە ەكى قۇراما تەرەزەسى تەڭ دەڭگەيدە ويىن كورسەتتى.

ءبىر- ءبىرىنىڭ قاقپاسىنان ساڭىلاۋ تابا العان جوق. كەزدەسۋ 0:0 ەسەبىمەن تەڭ اياقتالدى. ەسكە سالساق، اتالعان توپتا سلوۆاكيا پولشادان 2:1 ەسەبىمەن باسىم ءتۇستى. ەندى اتالعان توپتاعى كەلەسى تۋر ويىندارى 18-جانە 19-ماۋسىم كۇندەرى وتكىزىلەدى.

الدىمەن 18-ماۋسىمدا يسپانيا مەن پولشا، 19-ماۋسىمدا شۆەتسيا مەن سلوۆاكيا شەبەرلىك بايقاسادى. بيىلعى بىرىنشىلىكتە بارلىعى 24 قۇراما سىنعا تۇسەدى. ءاربىر توپتان ۇزدىك ەكى كوماندا مەن كورسەتكىشى جوعارى ءتورت قۇراما جارىستى جالعاستىرۋعا مۇمكىندىك الادى. فۋتبولدان ەۋروپا چەمپيوناتى 11 -ماۋسىمدا باستالدى، ول 11- شىلدەدە مارەسىنە جەتەدى.


سوڭعى جاڭالىقتار