كوروناۆيرۋسقا قاتىستى الەمدەگى احۋال قانداي؟

None
None
نۇر-سۇلتان. قازاقپارات - كوروناۆيرۋستىڭ تارالۋىنا قارسى ۆەدومستۆوارالىق كوميسسيا الەمدەگى ەپيدەميولوگيالىق احۋالعا شولۋ جاسادى، دەپ حابارلايدى قازاقپارات.

كولۋمبيادا كوروناۆيرۋس ينفەكتسياسى انىقتالعان پاتسيەنتتەر اراسىنداعى ءولىم-ءجىتىمنىڭ ەڭ جوعارى كورسەتكىشى تىركەلدى. بۇل تۋرالى 13- ماۋسىمدا ەلدىڭ دەنساۋلىق ساقتاۋ جانە الەۋمەتتىك قورعاۋ مينيسترلىگىنىڭ باسپا ءسوز قىزمەتى حابارلادى.

ءبىر تاۋلىك ىشىندە كوروناۆيرۋس ينفەكسياسىنىڭ 28519 جاڭا جاعدايى تىركەلگەنى جانە ىندەتتەن 586 ادامنىڭ مەرت بولعانى راستالدى.

ءبىر تاۋلىكتە 20539 ناۋقاس، پاندەميا باستالعالى بەرى 3477656 ادام اۋرۋدان ايىققان. مەملەكەتتە بۇگىنگە دەيىن بارلىعى 3753224 ادام كوروناۆيرۋستىق ينفەكسياعا شالدىقسا، ولاردىڭ 95778 ءى ىندەتتەن مەرت بولدى.

يندونەزياداعى پەكانبارۋ قالاسىنىڭ بيلىگى ۆاكسيناتسيا قارقىنىن جەدەلدەتتى. مۇندا ادامداردى ارنايى جابدىقتالعان اۆتوبۋستاردا ەگە باستادى. اتالمىش كولىكتەر كوروناۆيرۋسقا قارسى پرەپاراتتىڭ 12 مىڭعا دەيىن دوزاسىن تاسىمالدايدى.

بۇل كۇن سايىن مىڭنان استام ادامعا ەكپە سالۋعا مۇمكىندىك بەرەدى. ۇيىمداستىرۋشىلاردىڭ ايتۋىنا قاراعاندا، الداعى ۋاقىتتا قالادا مۇنداي اۆتوبۋستاردىڭ سانى ارتۋى مۇمكىن. بۇگىنگى تاڭدا اتالمىش ەلدە ۆاكسينانىڭ ەكى كومپونەنتىن 12 ميلليونعا جۋىق ازامات سالدىرعان.

كەلەسى جىلى بيلىك بۇل كورسەتكىشتى 80 ميلليونعا دەيىن ارتتىرۋدى جوسپارلاپ وتىر.

تۇركياعا رەسەيلىك «سپۋتنيك V» ۆاكتسيناسىنىڭ العاشقى پارتياسى جەتكىزىلدى. 14- ماۋسىمدا رەسەيدىڭ كوروناۆيرۋس ينفەكسياسىنا قارسى ۆاكسيناسى بار ۇشاق انكاراداعى ەسەنبوگا حالىقارالىق اۋەجايىنا قوندى.

تۇركيا بيلىگى رەسەيلىك پرەپاراتتىڭ ەلدە ۆاكسيناتسيانى تەزدەتۋگە ىقپال ەتەتىندىگىن اتاپ ءوتتى.

دەنساۋلىق ساقتاۋ مينيسترلىگىنىڭ مالىمەتىنشە، سوڭعى ءتورت كۇندە تۇركيادا 200 مىڭ ادام COVID-19 جۇقتىردى، جاڭا اۋرۋلاردىڭ سانى ءوسىپ وتىر.

سوڭعى جاڭالىقتار