قانشا جاستاعى بالالار ۇشاقتا تەگىن ۇشا الادى؟

None
None
نۇر-سۇلتان. قازاقپارات - Kazakh Tourism كومپانياسىنىڭ باسقارما ءتوراعاسى ەرجان ەركىنبايەۆ Kids go free باعدارلاماسىنىڭ بيىلعى تالاپتارىن ءتۇسىندىردى، دەپ حابارلايدى قازاقپارات ءتىلشىسى.

«Kazakh Tourism كومپانياسى Kids go free باعدارلاماسىنىڭ اكىمشىسى جانە وپەراتورى بولادى. بۇل - بالالاردىڭ ۇشۋ شىعىنىن سۋبسيديالاۋ تەتىگى. بۇل باعدارلاما توپ-10 دەستيناتسيادا وتباسىلىق دەمالىستى ۇيىمداستىرۋ كولەمىن ارتتىرۋعا باعىتتالعان. باعدارلاما تۋريستىك وپەراتورلار ارقىلى ىسكە اسادى. ياعني، 2-14 جاس ارالىعىنداعى بالاسى بار وتباسى قازاقستاندىق كۋرورتتارعا تۋريستىك وپەراتورلار ارقىلى بيلەت ساتىپ العان بولسا، بالالاردىڭ بيلەت قۇنى كەشىرىلەدى»، - دەدى كومپانيا باسشىسى ورتالىق كوممۋنيكاتسيالار قىزمەتىندە وتكەن بريفينگىدە.

Kazakh Tourism باسشىسى مۇنداي سۋبسيديا 2-3 جولداماعا تولەنبەيتىنىن ەسكەرتتى. سونداي-اق، بيلەت قۇنى تەك تۋريستىك وپەراتورلار ارقىلى دەمالىسقا بارعان وتباسىلارعا ۇسىنىلماق.

«مۇنداعى جالعىز تالاپ - ۇشىپ كەلگەن جەردە وتباسى 4 ءتۇن، 5 كۇننەن كەم بولماۋى كەرەك. وسى ارقىلى ءبىز قازاقستانداعى وتباسىلىق دەمالىستى قولدايمىز. ءبىزدىڭ ەسەبىمىز بويىنشا وسىنىڭ ارقاسىندا وتباسىنىڭ جولداما الۋعا كەتەتىن بيۋجەتى 20-30 پايىز ۇنەمدەلەدى»، - دەدى ەرجان ەركىنبايەۆ.


سوڭعى جاڭالىقتار