قازاقستاننىڭ ۆاكسينا پاسپورتى قاي ەلدەرگە جارامدى

None
None
نۇر-سۇلتان. قازاقپارات - قازىرگى تاڭدا قازاقستاننىڭ ۆاكسينا پاسپورتى ءۇش ەلگە تۋريست رەتىندە كىرۋگە جارامدى، دەپ حابارلايدى قازاقپارات ءتىلشىسى.

بۇل تۋرالى تۋريزم يندۋسترياسى كوميتەتىنىڭ ءتوراعاسى داستان رىسپەكوۆ ورتالىق كوممۋنيكاتسيالار قىزمەتىندە وتكەن بريفينگىدە ايتتى.

«جالپى قازىر كوپتەگەن ەلدەر پ ت ر- تەستپەن قاتار ۆاكسيناتسيا پاسپورتىمەن دە تۋريستەردى قابىلدايدى. ءبىزدىڭ دەنساۋلىق ساقتاۋ مينيسترلىگى قازىرگى كەزدە باسقا ەلدەردىڭ ۇكىمەتىمەن ءتيىستى كەلىسسوز جۇرگىزىپ جاتىر. مىسالى، بۇگىندە موڭعوليا، تايلاند جانە ماجارستان تۋريستەردى ءبىزدىڭ ۆاكسيناتسيا پاسپورتىمەن كىرگىزە بەرەدى. وسىنداي ەلدەردىڭ سانىن كوبەيتۋ ءۇشىن جۇمىس جۇرگىزىلىپ جاتىر»، - دەيدى داستان رىسپەكوۆ.

سونداي-اق، ول مالديۆ ارالدارىنىڭ بيلىگىمەن دە قازاقستاندىق ۆاكسينا پاسپورتى بار تۋريستەردى قابىلداۋ بويىنشا كەلىسسوز ءجۇرىپ جاتقانىن جەتكىزدى.

«قازىر مالديۆ ارالدارىنا بارۋ ءۇشىن قازاقستان رەسپۋبليكاسىنىڭ ازاماتتارىنا مىندەتتى تۇردە پ ت ر- تەست قاجەت. مالديۆ ارالدارىنىڭ ۇكىمەتىمەن ءبىزدىڭ ۆاكسينا پاسپورتىن قابىلداۋ بويىنشا ماسەلەلەر شەشىلىپ جاتىر. شەشىلگەننەن كەيىن پ ت ر- تەستسىز-اق، ۆاكسينا پاسپورتىمەن كىرۋگە مۇمكىندىك بولادى»، - دەدى كوميتەت باسشىسى.

سوڭعى جاڭالىقتار