+7 (701) 759 90 19
31 °С : نۇر-سۇلتان
31 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

تۋريزم كوميتەتى الاكول باعىتىنداعى بيلەت تاپشىلىعىنا قاتىستى پىكىر ءبىلدىردى

14 ماۋسىم 17:55
:ءبولىسۋ
تۋريزم كوميتەتى الاكول باعىتىنداعى بيلەت تاپشىلىعىنا قاتىستى پىكىر ءبىلدىردى

نۇر-سۇلتان. قازاقپارات - تۋريزم يندۋسترياسى كوميتەتىنىڭ ءتوراعاسى داستان رىسپەكوۆ الاكول باعىتىنداعى بيلەتتەردى الىپ- ساتۋ بەلەڭ العانى تۋرالى شاعىمدارعا پىكىر ءبىلدىردى، دەپ حابارلايدى قازاقپارات ءتىلشىسى.

«شىنىمەن دە ونداي ماسەلە بار. اسىرەسە قازىر الاكول باعىتىنداعى بيلەتتەردى الىپ-ساتۋ بەلەڭ العانى قىزۋ تالقىلانىپ جاتىر. يندۋستريا جانە ينفراقۇرىلىمدىق دامۋ مينيسترلىگى مەن «جولاۋشىلار تاسىمالى» ا ق- نىڭ بىزگە بەرگەن دەرەكتەرى بويىنشا، كەيىنگى ەكى جىلدا بيلەت ساتۋ جۇيەسى وزگەرىسكە ۇشىراعانى سونشا، الىپساتارلاردىڭ بيلەت الۋ مۇمكىندىگى جويىلعان. ياعني، ءار ساتىپ الىنعان بيلەتكە جولاۋشىنىڭ اتى-ءجونى، اكەسىنىڭ اتى ناقتى جازىلادى. ەگەر كىمدە-كىم بيلەتتى ءوز اتىنا اۋىستىرعىسى كەلسە، ول بيلەت اۆتوماتتى تۇردە كۇتۋ پاراعىنا تۇسەدى. ول جەردەن ونى كەز كەلگەن بيلەت كۇتۋشى ساتىپ الا الادى»، - دەدى داستان رىسپەكوۆ ورتالىق كوممۋنيكاتسيالار قىزمەتىندە وتكەن بريفينگىدە.

ونىڭ ايتۋىنشا، قازاقستاندىقتار الاكول باعىتىنداعى بيلەتتەردى ساتىلىمعا شىققان بويدا تالاسا-تارماسىپ الاتىن بولعان. وسىنىڭ سالدارىنان ناقتى الىپساتارلاردى انىقتاۋ قيىنعا سوعىپ وتىرعان كورىنەدى.

«ءيا، الىپساتارلاردىڭ ءالى بار ەكەنى ايتىلادى. ءبىراق، وكىنىشكە قاراي، ەشكىم ولاردى اتاپ كورسەتىپ جاتقان جوق. الاكول باعىتىنداعى بيلەتتەرگە سۇرانىس قازىر وتە جوعارى. ءتىپتى تۇنگى ساعات 4.00 دە نەمەسە تاڭعى 6.00 دە ساتىپ الىپ جاتىر. سوندىقتان بۇل جەردە كىمنىڭ الىپساتار، كىمنىڭ ناقتى جولاۋشى ەكەنىن انىقتاۋ قيىن. ەگەر قانداي دا ءبىر ناقتى فاكتىلەردى كورگەندەر بولسا، ءتيىستى قۇزىرلى ورگاندارعا حابارلاۋ كەرەك»، - دەدى كوميتەت ءتوراعاسى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات