+7 (701) 759 90 19
12 °С : نۇر-سۇلتان
23 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

قاسىم- جومارت توقايەۆ ا ق ش- تىڭ اۋعانستانداعى تاتۋلاستىرۋ جونىندەگى ارناۋلى وكىلى زالماي حاليلزادتى قابىلدادى

14 ماۋسىم 15:06
:ءبولىسۋ
قاسىم- جومارت توقايەۆ ا ق ش- تىڭ اۋعانستانداعى تاتۋلاستىرۋ جونىندەگى ارناۋلى وكىلى زالماي حاليلزادتى قابىلدادى

نۇر- سۇلتان. قازاقپارات - مەملەكەت باسشىسى قازاقستانعا جۇمىس ساپارىمەن كەلگەن ا ق ش- تىڭ اۋعانستانداعى تاتۋلاستىرۋ جونىندەگى ارناۋلى وكىلى زالماي حاليلزادتى قابىلدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

كەزدەسۋ بارىسىندا اۋعانستانداعى قاۋىپسىزدىك پەن تۇراقتىلىقتى قامتاماسىز ەتۋ بويىنشا قازاقستان مەن امەريكا اراسىنداعى كەڭەيتىلگەن ستراتەگيالىق سەرىكتەستىكتى دامىتۋدىڭ پەرسپەكتيۆالارى، سونىڭ ىشىندە، ا ق ش پەن ناتو اسكەرلەرىنىڭ وسى ەلدەن شىعارىلۋ بارىسى قاراستىرىلدى. سونىمەن قاتار اۋعانستان مەملەكەتىنىڭ تۇراقتىلىعى مەن الەۋمەتتىك- ەكونوميكالىق دامۋىن قايتا قالپىنا كەلتىرۋ جونىندەگى ەكىجاقتى جانە كوپجاقتى ءىس- قيمىلداردى ۇيلەستىرۋ ماسەلەسى دە ءسوز بولدى.

قازاقستان پرەزيدەنتى امەريكالىق ديپلوماتقا ءىلتيپات ءبىلدىرىپ، ونىڭ بۇل ساپارىنىڭ ەلدەرىمىز اراسىنداعى جوعارى دەڭگەيدەگى ديالوگتى ساقتاۋ تۇرعىسىنان ماڭىزى زور ەكەنىنە توقتالدى.


- بيىل ءبىز تاۋەلسىزدىگىمىزدىڭ 30 جىلدىعىن اتاپ وتەمىز. وسى ۋاقىت ارالىعىندا ءبىز دوستىققا جانە ءوزارا ءتيىمدى ىنتىماقتاستىققا نەگىزدەلگەن قاتىناستاردى ورناتا الدىق. ا ق ش - قازاقستانىڭ سەنىمدى سەرىكتەسى. ءبىزدىڭ ءارتۇرلى باعىتتار بويىنشا، سونىڭ ىشىندە، ساۋدا جانە ەكونوميكا سالالارىنداعى بەلسەندى ىقپالداستىعىمىز جولعا قويىلعان، - دەدى قاسىم- جومارت توقايەۆ.

مەملەكەت باسشىسى اۋعانستانداعى احۋالدى رەتتەۋ جونىندەگى ىنتىماقتاستىقتى قازاقستان مەن ا ق ش اراسىنداعى ءوزارا ىقپالداستىقتىڭ ماڭىزدى بولىگى رەتىندە اتاپ ءوتتى. پرەزيدەنت اۋعانستاننىڭ، رەسەيدىڭ، قىتايدىڭ، ورتالىق ازيا مەملەكەتتەرىنىڭ جانە حالىقارالىق ۇيىمداردىڭ باسشىلارىمەن جۇرگىزگەن كەلىسسوزدەرىندە اۋعان پروبلەماسى ۇنەمى نازاردا بولاتىنىن جەتكىزدى.

ءوز كەزەگىندە زالماي حاليلزاد قاسىم- جومارت توقايەۆقا جەكە كەزدەسۋگە مۇمكىندىك بەرگەنى ءۇشىن العىس ءبىلدىردى. ا ق ش- تىڭ ارناۋلى وكىلى قازاقستان پرەزيدەنتىنىڭ اۋعانستانداعى تۇراقتىلىقتى قالپىنا كەلتىرۋگە باعىتتالعان حالىقارالىق ءىس- قيمىلدارعا قوسقان ۇلەسىن جوعارى باعالاپ، ەلىمىزدىڭ ورتالىق ازيا وڭىرىندەگى تۇراقتىلىقتى ساقتاۋداعى ماڭىزدى رولىنە توقتالدى. اڭگىمەلەسۋ بارىسىندا زالماي حاليلزاد اۋعانستانداعى قازىرگى احۋالعا باعا بەرىپ، اۋعانارالىق بەيبىت پروتسەستى ودان ءارى دامىتۋعا، اۋعان باعىتىنداعى بارلىق مۇددەلى تاراپتاردىڭ كۇش- جىگەرىن ۇيلەستىرۋگە قاتىستى ا ق ش ديپلوماتياسىنىڭ وي- پىكىرىن ورتاعا سالدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات