ەكولوگيا ءمينيسترى قورىق اۋماعىنان ۋران ءوندىرۋ جوباسى تۋرالى پىكىر ءبىلدىردى
«بۇل جەردە اڭگىمە ناقتى قورىق تۋرالى ەمەس. جوبا وڭتۇستىك قازاقستان مەملەكەتتىك قورىق ايماعىنىڭ اۋماعىندا جوسپارلانعان. ونى «قازاتوم ونەركاسىپتىڭ» بىرلەسكەن كاسىپورنى قولعا الىپ جاتىر. ناقتى كىممەن بىرلەسكەن كاسىپورنى ەكەنى ەسىمدە جوق. قىتاي بولۋى دا مۇمكىن. ويتكەنى ەكى ەلدىڭ بىرلەسكەن كاسىپورىندارى بار. قازىر ناقتى جوبا جوق. ول جوبا ءبىزدىڭ ەكولوگيا دەپارتامەنتىنىڭ قاراۋىنا كەلىپ تۇسەدى. سول كەزدە بۇل ماسەلەنى جەكە قاراۋعا بولادى دەپ ويلايمىن»، - دەپ قىسقا قايىردى مينيستر.
اتالمىش كەزدەسۋدە ماعزۇم مىرزاعاليەۆ كوبەيتۇزدىڭ سۋى مەن تۇزى ادام اعزاسىنا ءاۋىپ ءتوندىرۋى مۇمكىن دەگەن بولجام ايتتى.
«كوبەيتۇزدا بىلتىر اۋداندىق اكىمدىك كوردون قويعان. ودان ءارى قاراي كولىكپەن وتۋگە بولمايدى. ەكىنشىدەن، تاعى قايتالاپ ايتام، كولگە بارۋ ادامداردىڭ دەنساۋلىعىنا ءقاۋىپسىز ەمەس»، - دەدى ەكولوگيا، گەولوگيا جانە تابيعي رەسرۋرستار ءمينيسترى.
اۆتور: ەسىمجان ناقتىباي