+7 (701) 759 90 19
14 °С : نۇر-سۇلتان
19 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

ماعزۇم مىرزاعاليەۆ: كوبەيتۇزدىڭ سۋى مەن تۇزى دەنساۋلىققا زيان

14 ماۋسىم 14:02
:ءبولىسۋ
ماعزۇم مىرزاعاليەۆ: كوبەيتۇزدىڭ سۋى مەن تۇزى دەنساۋلىققا زيان

نۇر- سۇلتان. قازاقپارات - ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ قازاقستاندىقتارعا كوبەيتۇزعا بارماۋعا كەڭەس بەردى، دەپ حابارلايدى قازاقپارات ءتىلشىسى.

«كوبەيتۇز تۋرالى ناقتى مىنانى ايتا الامىن. بىرىنشىدەن، بىلتىر اكىمدىك سۋ مەن تۇزعا تالداۋ جاسادى، ودان جاعىمسىز قورىتىندى شىققان. ونداعى سۋ مەن تۇزدىڭ قۇرامىندا مەتالدار وتە كوپ ەكەنى ءمالىم بولىپ وتىر. مەن وسى الاڭدى پايدالانىپ، تۇرعىنداردان كوبەيتۇزعا بارۋدان تارتىنۋدى سۇراعىم كەلەدى»، - دەگەن مينيستر اتالمىش كولدى ەرەكشە قورعالاتىن اۋماققا اينالدىرۋ جەرگىلىكتى اكىمدىككە بايلانىستى ەكەنىن ەسكەرتتى.

«ەرەكشە قورعالاتىن اۋماققا اينالدىرۋ ماسەلەسىنە كەلسەك، بۇل - جەرگىلىكتى اتقارۋشى ورگاننىڭ قۇزىرىنداعى شارۋا. ءبىز ونى جەرگىلىكتى رەجيمدەگى ەرەكشە قورعالاتىن اۋماققا اينالدىرۋدى ۇسىنعان بولاتىنبىز. لابوراتوريالىق زەرتتەۋلەردىڭ قورىتىندىسىن الىپ وتىرمىز. اكىمدىك قازىر بۇل ماسەلەنى سوڭىنا دەيىن زەرتتەپ بىتىرەدى. الداعى 1-2 كۇندە وبلىس اكىمدىگىمەن سويلەسىپ، ناقتى مالىمەت الاتىنىمدى ايتقىم كەلەدى»، - دەدى ماعزۇم مىرزاعاليەۆ.

سونىمەن قاتار، ۆەدومستۆو باسشىسى كوبەيتۇزدىڭ سۋى مەن تۇزى ادام اعزاسىنا قاۋىپ ءتوندىرۋى مۇمكىن دەگەن بولجام ايتتى.

«كوبەيتۇزعا بىلتىر اۋدان اكىمدىگى كوردون قويعان. ودان ءارى قاراي كولىكپەن وتۋگە بولمايدى. ەكىنشىدەن، تاعى قايتالاپ ايتامىن، كولگە بارۋ ادامداردىڭ دەنساۋلىعىنا كەرى اسەر ەتۋى مۇمكىن»، - دەدى ماعزۇم مىرزاعاليەۆ.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات