قوقىس ورتەۋ زاۋىتى نۇر- سۇلتاننىڭ قاي بولىگىنە سالىنادى

None
None
نۇر- سۇلتان. قازاقپارات - ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ەلوردانىڭ تۇرمىستىق قالدىقتارىن ورتەيتىن زاۋىتتىڭ قايدا سالىناتىنىن ايتتى، دەپ حابارلايدى قازاقپارات ءتىلشىسى.

«نۇر- سۇلتان قالاسىنىڭ تۇرمىستىق قالدىقتارىن ورتەيتىن زاۋىتتىڭ قۇرىلىسى قالانىڭ سىرتىندا جوسپارلانعان. قازىرگى پوليگوننىڭ اۋدانىندا سالىنادى. بۇگىندە ول جەردە قوقىس سۇرىپتاۋ جەلىسى ورناتىلعان. زاۋىت ءدال سول جەردە سالىنادى»، - دەدى ماعزۇم مىرزاعاليەۆ حالىق الدىنداعى ەسەپتىك كەزدەسۋىندە.

سونداي- اق، ول اتالمىش زاۋىت ەۋروپالىق ستاندارتتار نەگىزىندە بوي كوتەرەتىنىن اتادى.

«بۇل ماسەلە قاتتى الاڭداتىپ وتىرعانىن تۇسىنەمىن. ءبىراق ءبىزدىڭ تاراپتان جان- جاقتى ءارى تەرەڭ تالداۋلار، زەرتتەۋلەر جۇرگىزىلدى. قازىر بىزدە قوقىستىڭ 82-83 پايىزى جەرگە كومىلەدى. پوليگوندار ارقىلى بۇل ماسەلەنى شەشە المايمىز. ەلىمىزدە 3,5 مىڭنان استام پوليگون بار. سول پوليگونداردىڭ 18 پايىزىنىڭ عانا احۋالى سالىستىرمالى تۇردە جارامدى. سوندىقتان، ماسەلەنى كەشەندى جانە جۇيەلى تۇردە شەشۋ كەرەك. ءبىز ۇسىنىپ وتىرعان ەۋروپالىق مەحانيزم وسى ماسەلەنىڭ كەشەندى شەشىم بولىپ سانالادى. شۆەتسيا ەكولوگيالىق تۇرعىدا ەڭ تازا ەلدەردىڭ ءبىرى ەكەنىن بىلەسىزدەر. ءبىراق سول ەلگە ەۋروپانىڭ بۇكىل ەلدەرىنەن وزەن ارقىلى قالدىقتار كەلەدى. فينليانديا تۋرالى دا وسىنى ايتۋعا بولادى. سوڭعى 10 -جىلدا بۇل ەلدەگى ەكولوگيالىق جۇيە دە ءوزىنىڭ تيىمدىلىگىن كورسەتتى»، - دەدى مينيستر.

اۆتور: ەسىمجان ناقتىباي

سوڭعى جاڭالىقتار