بالىقتى اڭشى مىلتىعىمەن اتىپ الىپ جۇرگەن ادام ۇستالدى

نۇر- سۇلتان. قازاقپارات - ق ر ىشكى ىستەر مينيسترلىگى بالىق برانونەرلەرىمەن كۇرەستى كۇشەيتتى.

بۇل تۋرالى ق ر ىشكى ىستەر مينيسترلىگىنىڭ رەسمي وكىلى نۇردىلدا وراز ءمالىم ەتتى، دەپ حابارلايدى قازاقپارات ءتىلشىسى.

ونىڭ اتاپ وتۋىنشە، قازىرگى ۋاقىتتا قۇقىق قورعاۋشىلار «بالقاش» كولىندە «براكونەر» وپەراتسياسىن جۇرگىزىپ جاتىر. وپەراتسيا بارىسىندا شاشۋباي اۋىلىنىڭ تۇسىنان موتورلى قايىق مىنگەن براكونەر ۇستالىپ، ودان 1,5 توننادان استام بالىق الىندى. سونىمەن قاتار سۋدان ەلىمىزدە تىيىم سالىنعان 14 اۋ تاركىلەندى.

«ايتا كەتەرلىگى، براكونەرلەردە تابيعاتقا دەگەن قۇرمەت مۇلدەم جوق. ولار بالىق اۋلاۋ كەزىندە اۋلار مەن تورلاردى، جارىلعىش زاتتار مەن قارۋ- جاراقتى جانە ەلەكتر قارماقتارىن پايدالانۋ ارقىلى زاڭسىز ءارى جابايى ادىستەردى قولدانادى. ماسەلەن، ىلە وزەنىنىڭ بالقاشقا قۇيار جاعالاۋىندا الماتى تۇرعىنى ۇستالدى. ول بالىقتاردى اڭشى مىلتىمەن اتىپ جۇرگەن»، - دەدى نۇردىلدا وراز.

ونىڭ ايتۋىنشا، «براكونەر» وپەراتسياسىنا اۋەسقوي بالىقشىلار دا كومەك كورسەتىپ، براكونەرلەردى جانە ولاردىڭ قايىقتارى مەن اۋلارىنا تابۋعا جاردەمەسىپ جاتىر.

اۆتور: مارلان جيەمباي