12:53, 14 - ماۋسىم 2021 | GMT +6
رەجيسسەر ءادىلحان ەرجانوۆتىڭ فيلمدەرى شانحايداعى كينوفەستيۆالدە كورسەتىلمەك
بەيجىڭ. قازاقپارات - رەجيسسەر ءادىلحان ەرجانوۆتىڭ «ۇلبولسىن» جانە «سارى مىسىق» دەگەن ەكى كوركەم فيلمى شانحايدا وتەتىن حالىقارالىق كينوفەستيۆالدە كورسەتىلەدى، دەپ حابارلايدى قازاقپارات ءتىلشىسى.
قىتايداعى «ا» ساناتىنداعى جالعىز كينەماتوگرافيالىق شارا كەزەكتى، 24- شانحاي حالىقارالىق كينوفەستيۆالى (SIFF) قىتايلىق مەگاپوليستە 11-20 -ماۋسىم ارالىعىندا وتەدى.
ۇيىمداستىرۋشىلاردىڭ ايتۋىنشا، «التىن كۋبوكتى» تابىستاۋ سالتاناتى -19 ماۋسىمدا وتپەك. «التىن كۋبوك» نەگىزگى بايقاۋ باعدارلاماسى تولىق جانە قىسقا مەتراجدى فيلمدەردى، انيماتسيالىق كينو مەن دوكۋمەنتالدى جۇمىستاردى قامتيدى.
وتكەن جىلى فەستيۆالگە 180 ەل مەن وڭىردەن 3693 فيلم تىركەلگەن. COVID-19 پاندەمياسىنا بايلانىستى وتكەن جىلعى شانحايداعى كينوفەستيۆالدىڭ باعدارلاماسى قىسقارتىلىپ، بايقاۋ باعدارلاماسىنداعى ماراپاتتار تابىستالمادى. شانحاي حالىقارالىق كينوفەستيۆالى 1993 -جىلدان باستاپ وتكىزىلەدى.
اۆتورى: رۋسلان سۇلەيمەنوۆ