الماتىدا جاياۋ جۇرگىنشىنى كولىك قاعىپ، مەرت قىلدى

الماتى. قازاقپارات - الماتىدا جەڭىل كولىك جاياۋ جۇرگىنشىنى قاعىپ مەرت قىلدى، دەپ حابارلايدى قازاقپارات ءتىلشىسى.

قايعىلى وقيعا 14-ماۋسىم تاڭعى 7:00 شاماسىندا بولعان. الاتاۋ اۋدانىندا «حيۋنداي ەلانترا» ماركالى قىزمەتتىك كولىگىنىڭ جۇرگىزۋشىسى وتەمىس ۇلى كوشەسىمەن ءجۇرىپ كەلە جاتىپ مانيەۆر جاساعان كولىكتەن قاشامىن دەپ جاياۋ جۇرگىنشىنى قاعىپ كەتتى.

«حيۋنداي ەلانترا» كولىگىنىڭ جۇرگىزۋشى وتەمىس ۇلى كوشەسىنىڭ وڭتۇستىك باعىتىندا كەلە جاتىپ، كەنەتتەن مانيەۆر جاساي باستاعان كولىكپەن سوقتىعىسۋدى بولدىرماۋ ءۇشىن اۆتوكولىك جۋۋ ورنىنىڭ شىعىس جاعىنا قاراي شىعىپ كەتتى، سول جەردە جاياۋ جۇرگىنشىنى - س. ەسىمدى ازاماتتى قاعىپ كەتتى. سونداي- اق «گازەل» اۆتوكولىگىنە سوقتىعىستى.

«جول- كولىك وقيعاسى سالدارىنان جاياۋ جۇرگىنشى كوز جۇمدى. اتالعان فاكت سوتقا دەيىنگى تەرگەۋدىڭ ءبىرىڭعاي تىزىلىمىنە ق ر ق ك- ءنىڭ 345-بابى، 3-ءبولىمى بويىنشا تىركەلدى. قىلمىستىق ءىستى الماتى قالالىق پ د انىقتاۋ باسقارماسى جۇرگىزۋدە. جۇرگىزۋشىگە قاتىستى تەرگەۋ امالدارى جۇرگىزىلۋدە»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتى.