+7 (701) 759 90 19
20 °С : نۇر-سۇلتان
21 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

فۋتبولدان ەۋروپا چەمپيوناتى: اۆستريا سولتۇستىك ماكەدونيانى ءۇشىنشى مارتە جەڭدى

14 ماۋسىم 09:46
:ءبولىسۋ
فۋتبولدان ەۋروپا چەمپيوناتى: اۆستريا سولتۇستىك ماكەدونيانى ءۇشىنشى مارتە جەڭدى

نۇر- سۇلتان. قازاقپارات- بۇگىن فۋتبولدان ەۋروپا چەمپيوناتىنىڭ فينالدىق ساتىسىندا اۆستريا مەن سولتۇستىك ماكەدونيا قۇرامالارى كەزدەستى، دەپ حابارلايدى قازاقپارات ءتىلشىسى.

اتالعان ەكى كوماندا س توبىندا سىنعا تۇسەدى. قارسىلاستارى - نيدەرلاندى جانە ۋكراينا قۇرامالارى. ەكى قۇراما بۇعان دەيىن ەكى مارتە شەبەرلىك بايقاسقان. ەكەۋىندە دە اۆستريالىق فۋتبولشىلار باسىم بولدى. سولتۇستىك ماكەدونيا ەۋروپا چەمپيوناتىنىڭ فينالدىق ساتىسىنا تۇڭعىش رەت جولداما الىپ وتىر. العاشقى ويىنىندا جەڭىسكە جەتە العان جوق.

بۇگىنگى ويىن قوس قۇرامانىڭ الما- كەزەك شابۋىلىمەن ءوربىدى. كەزدەسۋدە ەكەۋى دە جەڭىسكە جەتۋگە جاقىن تۇردى. دەسە دە اۆستريالىق قۇراما ءوزىنىڭ تاجىريبەسى مول ەكەنىن كورسەتتى. الدىمەن اۆستريا ساپىنان شتەفان لاينەر 18-مينۋتتا ەسەپ اشقان ەدى. ودان كەيىن ولاردىڭ قارسىلاستارىنان گوران پانديەۆ 28-مينۋتتا تارازى باسىن تەڭەستىردى. ال اۆستريالىق ميحاەل گرەگوريچ 78، ماركو ارناۋتوۆيچ 89-مينۋتتاردا قوس گول سوعىپ، قورىتىندى ەسەپتى بەلگىلەدى.

ايتا كەتەيىك، اتالعان توپتاعى نيدەرلاندى جانە ۋكراينا كەزدەسۋى ەلوردا ۋاقىتىمەن 00.50-دە باستالادى. س توبىنداعى كەلەسى تۋر ويىندارى 17-ماۋسىم كۇنى وينالادى. بۇل كۇنى نيدەرلاندى مەن اۆستريا، ۋكراينا مەن سولتۇستىك ماكەدونيا كەزدەسەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات